Health Tips: फ्रीजमध्ये ठेवलेल्या ‘या’ भाज्या आरोग्यासाठी ठरू शकतात विषदायी; जाणून घ्या, नक्की काय होतं

1/12

रेफ्रिजरेटर ही तंत्रज्ञानाच्या प्रगतीमधील एक मोठी उत्क्रांती मानली जाऊ शकते. यामध्ये आपण अन्न आणि पेय दीर्घकाळापर्यंत ताजे ठेवू शकतो. फ्रीजमध्ये काही काळापर्यंत खाण्या-पिण्याची वस्तू ताजी ठेवणे ही काळाची गरज आहे.

2/12

आपल्या व्यस्त जीवनात आपण आपले सकाळचे अन्न रात्रीपर्यंत फ्रीजमध्ये सुरक्षित ठेवतो. अनेकदा आपण आठवड्यातून एकदाच भाज्या आणि फळे खरेदी करतो आणि आठवडाभर वापरतो.

3/12

फ्रीजमध्ये फळे आणि भाज्या साठवून ठेवल्याने आपले काम सोपे होते. पण तुम्हाला माहित आहे का की हिवाळ्यात काही पदार्थ फ्रीजमध्ये ठेवल्याने त्यांचा प्रभाव बदलतो आणि ते अन्न शरीरात विषासारखे काम करतात.

4/12

काही भाज्या आरोग्यासाठी खूप फायदेशीर असतात. या भाज्या ताज्या राहण्यासाठी आपण फ्रीजमध्ये ठेवतो. मात्र, असे केल्याने त्यांचा गुणधर्म बदलतो आणि ते आपल्यासाठी अपायकारक ठरू शकते. या गोष्टी कोणत्या आहेत ते जाणून घेऊया.

5/12

आहारतज्ज्ञांच्या मते टोमॅटो फ्रीजमध्ये ठेवू नयेत. जर तुम्हाला टोमॅटो ठेवायचे असतील तर ते खोलीत सामान्य तापमानामध्ये ठेवा. तज्ज्ञांच्या मते टोमॅटो फ्रीजमध्ये ठेवल्याने त्यांची चव, पोत आणि सुगंध बदलतो.

6/12

टोमॅटो ही अशी भाजी आहे जी पिकल्यानंतर इथिलीन गॅस सोडते, ज्यामुळे इतर भाज्या लवकर शिजतात. टोमॅटो साठवून ठेवायचे असतील तर खोलीमध्ये सामान्य तापमानात ठेवा.

7/12

अ‍ॅव्होकॅडो फ्रीजमध्ये ठेवू नका. अ‍ॅव्होकॅडोमध्ये फॅटी अॅसिड भरपूर असते आणि त्यात कोलेस्टेरॉलची पातळी कमी असते. हे अन्न फ्रीजमध्ये ठेवल्यावर त्याचा बाहेरील थर कडक होतो आणि आतील भाग खराब होऊ लागतो.

8/12

फ्रीजमध्ये कच्चे अ‍ॅव्होकॅडो ठेवल्यास ते कच्चे राहतील आणि खराब होतील आणि असे अ‍ॅव्होकॅडो खाल्ल्याने तुमच्या आरोग्याला हानी पोहोचेल.

9/12

काही लोक इतर भाज्यांबरोबर बटाटेही फ्रीजमध्ये ठेवतात. बटाटे फ्रीजमध्ये ठेवल्यावर त्यातील स्टार्चचे साखरेत रूपांतर होते, ज्यामुळे मधुमेह रुग्णांच्या रक्तातील साखर वाढू शकते. तज्ज्ञांच्या मते, बटाटे फ्रीजमध्ये ठेवण्याऐवजी सामान्य तापमानात मोकळ्या जागेत ठेवा.

10/12

हेल्थलाइननुसार, लसूण अनेक प्रकारे साठवले जाऊ शकते, जसे की खोलीतील सामान्य तापमानात किंवा फ्रीजरमध्ये. परंतु तज्ज्ञांच्या मते, ताजे लसूण साठवण्याचा सर्वात सोपा आणि उत्तम मार्ग म्हणजे आपले स्वयंपाकघर. स्वयंपाकघरात सामान्य तापमानात लसूण ठेवल्याने त्याचा गुणधर्म बदलत नाही आणि तो आरोग्यासाठी उपयुक्त राहते.

11/12

कृषी आणि पर्यावरण विज्ञान महाविद्यालयाच्या म्हणण्यानुसार, काकड्यांना काही दिवस १० अंश सेल्सिअसच्या खाली ठेवल्यास ते वेगाने कुजण्यास सुरुवात होते. काकडी फ्रीजमध्ये नाही, तर सामान्य तापमानात ठेवा. फ्रीजमध्ये जास्त काळ ठेवलेल्या काकडीमुळे आरोग्य बिघडू शकते.

12/12

येथे देण्यात आलेली माहिती गृहितके आणि सामान्य माहितीवर आधारित आहे. (सर्व फोटो: Freepik)