Heart Attack: ‘या’ कारणांमुळे वाढतात हृदयाच्या नसांमधील ब्लॉकेज; जाणून घ्या, तज्ज्ञांनी सांगितलेल्या बचाव पद्धती

1/13

मागील काही काळापासून हृदयविकाराच्या घटनांमध्ये सातत्याने वाढ होत आहे. लोकांना लहान वयातच हृदयविकाराचा झटका येण्याच्या घटनांमध्येही लक्षणीय वाढ झाली आहे. इतकेच नाही तर तंदुरुस्त राहणाऱ्या लोकांनाही ही समस्या जाणवत आहे.

2/13

डॉक्टरांच्या म्हणण्यानुसार, असंसर्गजन्य आजारांमध्ये कर्करोगानंतर हृदयविकार हे मृत्यूचे दुसरे प्रमुख कारण आहे. हृदयविकाराचे मुख्य कारण म्हणजे चुकीच्या खाण्याच्या सवयी आणि चुकीची जीवनशैली. चुकीच्या आहारामुळे शरीरात खराब कोलेस्टेरॉल वाढत आहे, त्यामुळे हृदयापर्यंत पोहोचणाऱ्या नसा ब्लॉक होतात.

3/13

हृदयाच्या नसांमध्ये तयार होणाऱ्या ब्लॉकेजला हार्ट ब्लॉकेज म्हणतात. हृदयापर्यंत पोहोचणाऱ्या नसांमध्ये खराब कोलेस्ट्रॉल जमा झाल्यामुळे ही समस्या उद्भवते. नसांमधील हा अडथळा हृदयाला योग्यरित्या रक्त पंप करण्यास प्रतिबंध करतो आणि यामुळेच हृदयविकाराचा झटका येतो.

4/13

हृदयाच्या विद्युत प्रणालीतील दोषांमुळे हृदयाच्या कार्यावर परिणाम होतो. या स्थितीत हृदय अचानक काम करणे बंद करते. याला कार्डियाक अरेस्ट म्हणतात. हृदयविकाराच्या झटक्यापेक्षा कार्डियाक अरेस्ट जास्त धोकादायक आहे. यामध्ये रुग्णाचा काही सेकंदात मृत्यू होतो.

5/13

साओल हार्ट सेंटरचे जनरल फिजिशियन डॉ. बिमल छाजर यांच्या मते, हृदयाच्या नसांमधील ब्लॉकेजची लक्षणे सहज कळत नाहीत, परंतु त्याकडे लक्ष देणे गरजेचे आहे.

6/13

ज्या लोकांना उच्च रक्तदाब, लठ्ठपणा, मधुमेह किंवा कोणताही हृदयविकार आहे त्यांना हृदयविकाराचा झटका येण्याचा धोका जास्त असतो. अशा लोकांनी हृदयाच्या आरोग्याची विशेष काळजी घ्यावी.

7/13

खालील लक्षणांकडे अजिबात दुर्लक्ष करू नये.

8/13

छातीत दुखणे

9/13

हात किंवा पाय सुजणे

10/13

अचानक थकवा जाणवणे

11/13

डॉ. बिमल छाजर यांच्या मते, हृदयापर्यंत पोहोचणाऱ्या नसांमध्ये ब्लॉकेज होऊ नये यासाठी अनेक गोष्टींची काळजी घेणे आवश्यक आहे. सर्वांत महत्त्वाचे म्हणजे आपला आहार योग्य असावा. बाहेरील पदार्थ खाणे टाळावे.

12/13

आहारात प्रथिने आणि जीवनसत्त्वांचा पुरेसा समावेश करावा. कार्बोहायड्रेट आणि चरबी पदार्थांचे प्रमाण कमीत कमी असावे. तसेच मैदा, मीठ आणि साखर यापासून अंतर राखावे.

13/13

ज्यांना आधीच गंभीर आजार आहेत, त्यांनी दररोज बीपी आणि साखरेची पातळी तपासणे आवश्यक आहे. लठ्ठपणा नियंत्रणात ठेवण्यासाठी व्यायाम करावा. तसेच दैनंदिन औषधे नियमितपणे घ्यावीत.