Skin Care Tips: जास्मिन तेलाचे 'हे' फायदे माहिती आहेत का?

जास्मिनच्या फुलांतून मिळणारं तेल हे अनेक गोष्टींसाठी उपयुक्त असतं. जास्मिनच्या तेलाचा वापर अधिकतर ऍरोमाथेरापी आणि अत्तर बनवण्यासाठी केला जातो. शतकांपासून जास्मिनचं तेल हे वेगवेगळ्या प्रकारे वापरलं जात असून त्याचे अनेक फायदे ही आहेत. जास्मिनच्या तेलाचे काही थेंब अंघोळीच्या पाण्यात घातले असता त्याने शरीर रिलॅक्स होते. रुक्ष त्वचेला मुलायम करण्यासाठी ही जास्मिनच्या तेलाचा वापर केला जातो. चेहऱ्याला लावायच्या मॉइश्चरायझरमध्ये तसेच बॉडीलोशनमध्ये काही थेंब जास्मिन तेल घालून ते वापरू शकता. ऍरोमाथेरपीसाठी जास्मिन तेल सर्रास वापरलं जातं. मानसिक तणाव, नैराश्य यांसाठी ऍरोमाथेरपी अत्यंत फायदेशीर ठरते. प्रत्यक्ष तेलाच्या बाटलीतून किंवा कापसावर थोडंसं तेल घेऊन त्याचा सुगंध तुम्ही घेऊ शकता. नारळाच्या किंवा बदामाच्या तेलात जास्मिन तेल मिसळून त्याने अंगाला मालिशदेखील करू शकता. मालिशमुळे शरीरातील स्नायू मुक्त होऊन शरीर रिलॅक्स होते. जोजोबा तेलात काही थेंब जास्मिन तेल टाकले असता उत्तम अत्तर तयार होते. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Freepik)