-
नवरा-बायकोच्या नात्यात प्रेम, काळजी, जिव्हाळा व विश्वास असणे तितकेच महत्त्वाचे आहे. नात्यात प्रामाणिकपणा असेल, तर नाते अधिक काळ टिकते. हल्ली विवाहबाह्य संबंधांचे प्रमाण वाढले आहे. ‘लव्ह मॅरेज’ असो की ‘अरेंज मॅरेज’ असो; लग्नानंतर अनेकदा विवाहबाह्य संबंधांची प्रकरणे दिसून येतात. त्यामागील नेमकी कारणे काय आहेत, जाणून घेऊ या. (Photo : Freepik)
-
विवाहित असताना पुरुष किंवा स्त्री अन्य पुरुष किंवा स्त्रीबरोबर संबंध ठेवत असेल, तर त्याला विवाहबाह्य संबंध म्हणतात. विवाहबाह्य संबंध लव्ह मॅरेज किंवा अरेंज मॅरेज दोन्ही प्रकारांत दिसून येतात. (Photo : Freepik)
-
विशेष म्हणजे विवाहबाह्य संबंध फक्त शारीरिक संबंधाशी निगडित नाहीत. एखादी व्यक्ती जेव्हा भावनिकदृष्ट्या समोरच्या व्यक्तीबरोबर कनेक्ट असेल, तर ते नातेसुद्धा विवाहबाह्य संबंधात असू शकते. (Photo : Freepik)
-
अनेकदा मुलगा किंवा मुलगी लग्नासाठी मानसिकदृष्ट्या तयार नसतात. अशा वेळी घरच्यांच्या दबावाखाली येऊन जे लोक लग्न करतात, अशा लोकांचे लग्नानंतर विवाहबाह्य संबंध असण्याची शक्यता अधिक असते. (Photo : Freepik)
-
आजच्या धकाधकीच्या आयुष्यात कामाचा ताण इतका असतो की, काही लोक जोडीदाराला आणि घरच्यांना वेळ देऊ शकत नाहीत. अशा परिस्थितीमध्ये अनेकदा कामानिमित्त घराबाहेर असणारे लोक विवाहवाह्य संबंधाची शिकार होऊ शकतात. (Photo : Freepik)
-
अनेकदा कुटुंबाच्या दबावाखाली येऊन कोणतीही योजना न करता, काही जोडपी मुले जन्माला घालतात. त्यामुळे अचानक जबाबदारी वाढते. जबाबदारीपासून स्वत:ला दूर करीत रिलॅक्स राहण्यासाठी काही लोक विवाहबाह्य संबंध ठेवतात. (Photo : Freepik)
-
जर नात्यात प्रेम किंवा कोणताही उत्साह नसेल, तर स्वत:ला आनंदी ठेवण्यासाठी काही लोक विवाहबाह्य संबंधात अडकतात. जर नवरा-बायकोच्या नात्यामध्ये शारीरिक संबंध चांगले नसतील, तर शारीरिक इच्छा पूर्ण करण्यासाठी काही जण विवाहबाह्य संबंध ठेवतात. (Photo : Freepik)
-
अनेकदा नात्यात सर्व ठीक असताना नवरा-बायको भावनिकदृष्ट्या एकमेकांच्या तितकेसे जवळ नसतात. अशा वेळी मनात सुरू असलेली घालमेल आणि भावना व्यक्त करण्यासाठी व्यक्ती भावनात्मक आधाराच्या शोधात असतात. याच नादात व्यक्ती अनेकदा विवाहबाह्य संबंध ठेवू शकते. (Photo : Freepik)
-
अनेकदा पैशांच्या कमतरतेमुळे मूलभूत गरजा पूर्ण होत नाहीत. अशा वेळी नात्यामध्ये अनेक गोष्टींवरून भांडणे होऊ शकतात. याच कारणामुळे कधी कधी व्यक्ती आर्थिक आधाराच्या शोधात विवाहबाह्य संबंधाकडे वळते. (Photo : Freepik)
Jalgaon Train Accident : जळगावमध्ये मोठा अपघात! आग लागल्याच्या भीतीने प्रवाशांच्या ट्रेनमधून उड्या, समोरून येणाऱ्या रेल्वेने उडवलं
