-
कोथिंबीर ही दररोजच्या जेवणामध्ये सर्वांत जास्त वापरली जाणारी पालेभाजी आहे. कोथिंबिरीचे अनेक आरोग्यदायी फायदे आहेत. त्याशिवाय जेवणाचा स्वाद वाढवण्याचे महत्त्वाचे कामसुद्धा कोथिंबीर करते. (Photo : Freepik)
-
तुम्ही १० किंवा २० रुपये जुडी कोथिंबीर विकत आणता का? जर हो, तर ही बातमी तुमच्यासाठी आहे. कारण- आज आम्ही तुम्हाला अगदी सोप्या पद्धतीने घरी कोथिंबीरची लागवड कशी करायची, हे सांगणार आहोत. चला तर जाणून घेऊ त्याविषयी… (Photo : Freepik)
-
घरी कोथिंबीरची लागवड करण्यासाठी कोणताही खर्च येत नाही. तुम्ही घरी असलेल्या धण्याचा वापर करू शकता. (Photo : Freepik)
-
सुरुवातीला तुम्हाला कोथिंबीर कुठे लावायची आहे, ती जागा ठरवा. एखाद्या कुंडीत जर तुम्ही कोथिंबीर लावत असाल, तर ते अधिक चांगले आहे. (Photo : Freepik)
-
दोन मूठभर धणे घ्या. हे धणे रगडून त्यांचे दोन भाग करा. रगडून ठेवलेले हे धणे रात्रभर पाण्यात भिजत ठेवावेत. त्यानंतर दुसऱ्या दिवशी हे पाण्यात भिजत घातलेले धणे गाळून घ्यावे. (Photo : Freepik)
-
कोथिंबीर लागवडीसाठी पसरट कुंडी घ्या. या कुंडीत काळी माती टाका. त्यावर कंपोस्ट खत, शेणखत व थोडी वाळू टाका. कुंडीतील थोडी माती बाजूला काढून घ्या. (Photo : Freepik)
-
गाळून घेतलेले धणे एका डब्बात काढा. हे धणे कुंडीतील मातीवर टाकून, त्यावर बाजूला काढलेली माती टाका. धणे मातीने झाकल्यानंतर थोडे थोडे पाणी शिंपडा.कुंडी नेहमी सूर्यप्रकाश मिळेल अशा ठिकाणी ठेवा. (Photo : Freepik)
-
कोथिंबिरीच्या लागवडीसाठी सूर्यप्रकाश खूप महत्त्वाचा आहे. सकाळ-संध्याकाळ कुंडीतील धण्यांना पाणी घाला. एका महिन्यात कुंडीमध्ये कोथिंबीर वाढलेली दिसेल. (Photo : Freepik)
-
कोथिंबीर लागवडीची ही सोपी पद्धत वापरून तुम्ही घरच्या घरी कोथिंबिरीची शेती करू शकता. एवढंच काय, तर तुम्ही स्थानिक बाजारपेठेत कोथिंबिरीची विक्री करून पैसेसुद्धा कमावू शकता. (Photo : Freepik)
हेल्दी समजून खूप आवडीने ज्यूस पिता? फॅक्टरीमधला “हा” VIDEO पाहून पायाखालची जमीन सरकेल
