-
Mahashivratri upvas recipe : महाशिवरात्रीनिमित्त अनेकांचे उपवास असतात. मात्र कोणताही उपवास असला कि अनेकांच्या घरी, साबुदाण्याची खिचडी, वरी तांदूळ, हा साधारण एक ठरलेला मेन्यू बनवला जातो. तुमचाही या दिवशी उपवास असेल तर, रताळ्याच्या गोड फोडी बनवून पाहा. हा सोपा पदार्थ कसा बनवायचा त्यांची रेसिपी युट्युबवरील vmiskhadyayatra103 नावाच्या चॅनलने शेअर केली आहे.[Photo credit – Freepik]
-
१/२ किलो रताळी, १ वाटी ओला नारळ, ४ चमचे तूप, १०-१२ लवंग, जिरे, मीठ, साखर, वेलची पूड [Photo credit – Freepik]
-
आता, गॅसवर एक कढई तापवत ठेवून त्यामध्ये ४ चमचे तूप घालून घ्यावे. तूप थोडेसे तापल्यानंतर त्यामध्ये १० ते १२ लवंगा घालून त्यांना परतून घ्या.[Photo credit – Freepik]
-
तुपामध्ये लवंगा फुलल्यानंतर, त्यामध्ये चमचाभर जिरं घालून लवंगीसह परतून घ्यावे. आता चिरलेल्या रताळ्याच्या फोडी या कढईमध्ये घालून ढवळून घ्या. रताळ्याच्या फोडी ढवळून झाल्यावर त्यामध्ये चवीनुसार मीठ घालून घ्या. आता काही मिनिटांसाठी कढईवर झाकण ठेवून, रताळी शिजू द्यावी.[Photo credit – Freepik]
-
दोन-तीन मिनिटांनी कढाईवरील झाकण काढून, रताळ्याच्या फोडी ढवळून घ्या. रताळी व्यवस्थित शिजण्यासाठी ही कृती साधारण ३ ते ४ वेळा करावी. आता कढईमधील फोडी शिजल्यानंतर, त्यामध्ये एक वाटी ओले खोबरे, आणि पाच ते सहा चमचे साखर घालून, सर्व गोष्टी नीट ढवळून घ्यावे.[Photo credit – Freepik]
-
घातलेली साखर विरघळेपर्यंत, कढईवर पुन्हा झाकण ठेवून द्यावे. रताळ्याच्या फोडी नीट शिजल्यानंतर, त्यांना सोनेरी रंग प्राप्त झाल्यानंतर, त्यामध्ये थोडी वेलची पूड घालून कढईखालील गॅस बंद करावा. [Photo credit – Freepik]
-
तयार आहेत आपल्या उपवास स्पेशल रतळाच्या गोड फोडी. हा पदार्थ गरमागरम असताना खाण्यासाठी घ्यावा.[Photo credit – Freepik]
४ मार्च राशिभविष्य: सूर्याचा पूर्वा भाद्रपद नक्षत्रात प्रवेश ‘या’ राशींचे पालटणार नशीब; धनलाभासह आयुष्य बदलण्याची मिळेल संधी
