-
हिंदू धर्मात हनुमानाचं महत्त्व अनन्यसाधारण आहे. भारतात प्रत्येक गावात आणि शहरात हनुमानाचं मंदिर हे तुम्हाला दिसेल. (Photo : Social Media)
-
भक्त मोठ्या श्रद्धेनं मंदिरात जाऊन हनुमानाची मनोभावे पूजा करतात; पण तुम्ही कधी विचार केला का की, भारताशिवाय आणखी कोणत्या देशात हनुमानाचं मंदिर असू शकतं? तुम्हाला वाटेल हे कसं शक्य आहे? पण तुम्हाला माहीत आहे का की, आपल्या शेजारच्या देशात म्हणजेच पाकिस्तानमध्येही हनुमानाचं मंदिर आहे ते. (Photo : Social Media)
-
होय, पाकिस्तानातील कराचीमध्ये १५०० वर्षांपूर्वीचं जुनं हनुमानाचं मंदिर आहे. हे मंदिर श्री पंचमुखी हनुमान मंदिर या नावानं ओळखलं जातं. आज आपण त्याविषयीच जाणून घेणार आहोत. (Photo : Social Media)
-
हे पाकिस्तानमधील अशा काही मंदिरांपैकी एक आहे; जे हिंदू धार्मिक स्थळं उद्ध्वस्त केली जात असताना वाचलं होतं. हे मंदिर सिंध सांस्कृतिक वारसा संवर्धन कायदा १९९४ अंतर्गत राष्ट्रीय वारसा म्हणून घोषित करण्यात आलं आहे. (Photo : Social Media)
-
. सिंध प्रांतातील ऐतिहासिक आणि प्राचीन वास्तू किंवा ठिकाणांचं जतन आणि संवर्धन करण्यासाठी हा कायदा लागू करण्यात आला आहे. (Photo : Social Media)
-
या मंदिराला एक विशेष महत्त्व आहे. कारण- जगातील हे असं एकमेव मंदिर आहे; जिथे हनुमानाची मानवनिर्मित नाही, तर नैसर्गिक मूर्ती आहे. म्हणजेच पौराणिक कथांनुसार हनुमानाची ही त्रेतायुगातील आठ फूट उंचीची स्वयंभू मूर्ती आहे (Photo : Social Media)
-
हे मंदिर अशा ठिकाणी आहे की, जिथे हनुमान भक्तासाठी प्रकट झाले होते आणि वनवासादरम्यान रामानंही या ठिकाणी भेट दिली होती, अशी आख्यायिका आहे. (Photo : Social Media)
-
कराची येथे सोल्जर बाजारमध्ये हे मंदिर स्थित आहे. हनुमानाची ही मूर्ती १५०० वर्षं जुनी आहे. अठराव्या शतकात या मंदिराचा जीर्णोद्धार करण्यात आला होता. हनुमानाची ही स्वयंभू मूर्ती असल्यानं लोकांची त्यावर खूप श्रद्धा आहे. अनेक भक्त हनुमानाला ११ प्रदक्षिणा घालतात. त्यांच्या मते- असं केल्यानं त्यांच्या आयुष्यातील अडचणी दूर होतात आणि सर्व इच्छा पूर्ण होतात (Photo : Social Media)
-
अरबी समुद्राच्या किनाऱ्यावर वसलेलं कराची हे शहर पाकिस्तानातील सर्वांत मोठं आणि प्रमुख बंदर आहे. कराचीच्या या हनुमान मंदिरात भारतातूनही मोठ्या संख्येनं भक्त येतात. (Photo : Social Media)
![Sarvajanik Ganesh Mandal Banner Goes Viral on Mahaprasad Will Be Given Only To Members netizens reacts](https://www.loksatta.com/wp-content/uploads/2024/09/New-Project-30-2.jpg?w=300&h=200&crop=1)
“एवढा माज बरा नाही” सार्वजनिक गणेश मंडळाचा बॅनर पाहून लोक भडकले; PHOTO पाहून सांगा अशा मंडळांचं काय करायचं?