-
बॉलीवूड अभिनेत्री विद्या बालनने अलीकडेच ‘चंदू चॅम्पियन’ या चित्रपटाच्या स्क्रिनिंगला हजेरी लावली. मात्र यावेळी चित्रपटापेक्षा विद्या बालनच आकर्षणाचा केंद्रबिंदू ठरली.
-
वास्तविक, या चित्रपटाच्या स्क्रिनिंगसाठी विद्याने पूर्णपणे वेगळा लूक केला होता. काळ्या रंगाच्या ड्रेसमध्ये ती खूप स्लिम आणि फिट दिसत होती.
-
एकेकाळी झिरो फिगर आणि वजन कमी करण्याबद्दल नाराजी व्यक्त करणाऱ्या विद्या बालनच्या या बदलाने सर्वांनाच आश्चर्याचा धक्का बसला. मात्र, तिच्या लूकचे फोटो समोर येताच चाहत्यांनी तिची प्रशंसा केली.
-
विद्या बालनचा हा बदललेला लूक तिच्या आगामी ‘भूल भुलैया 3’ या चित्रपटासाठी आहे. सध्या विद्या या चित्रपटाच्या तयारीत व्यग्र आहे.
-
विद्याच्या वेट लॉस ट्रान्सफॉरमेशनबद्दल बोलायचे झाले तर तिने सांगितले की ती जिमला न जाता घरीच व्यायाम करते.
-
इतकंच नाही तर तिने नुकतंच एका मुलाखतीमध्ये सांगितल्यानुसार ती ‘नो रॉ फूड’ डाएट फॉलो करते. यामध्ये ती घरी बनवलेले निरोगी आणि सुरक्षित जेवण जेवते. तसेच ती कच्चे पदार्थ खाणे टाळते.
-
विद्याचा आहार सहज पचण्याबरोबरच वेगवेगळ्या पोषक तत्त्वांनी भरपूर असेल याची ती पुरेपूर काळजी घेते.
-
यासोबतच विद्या झोपेबाबत खूप सावध असते आणि पुरेशी झोप घेते. तसेच विद्या बालन गोड खाणे पूर्णपणे टाळते.
-
विद्या बालनने खूप पूर्वी सांगितले होते की ती जिममध्ये जात नाही तर घरीच व्यायाम करते. कॅलिस्थेनिक्स हा व्यायामाचा एक प्रकार आहे ज्यामध्ये कोणत्याही प्रकारच्या उपकरणांचा वापर न करता शारीरिक हालचाली करून व्यायाम केला जातो.
-
याच्या मदतीने चरबी कमी करता येते. यामध्ये क्रंच, बर्पी, पुशअप्स यांसारख्या व्यायामांचा समावेश आहे. या व्यायामासोबतच विद्या बालन कार्डिओ करते.
-
विद्याच्या मते, झिरो फिगर म्हणजे फिटनेस नसून याचा खरा अर्थ म्हणजे निरोगी शरीर. त्यामुळे ती फिट राहण्यावर भर देते.
२४ डिसेंबर पंचांग: बुधाचा ज्येष्ठ नक्षत्रात प्रवेश ‘या’ राशींसाठी ठरेल मंगलमय; धनलाभ, इच्छापूर्ती ते नात्यात गोडवा; वाचा तुमचा कसा असेल मंगळवार
