तुम्ही कामाचा स्ट्रेस घेता का? कसं ओळखाल?

1/9

हल्ली दररोजच्या धापवळीच्या आयुष्यात अनेक जण आरोग्याकडे लक्ष देत नाही. नोकरी हा आयुष्याचा भाग आहे पण नोकरी म्हणजे आयुष्य नाही, हे समजून घेणे, खूप महत्त्वाचे आहे. (Photo : Freepik)

2/9

कामाच्या वेळी काम आणि इतर वेळी मनसोक्तपणे आयुष्य जगता आले पाहिजे. अनेक लोक ९ ते ५ नोकरीमुळे त्यांचे वैयक्तिक आयुष्य सुद्धा विसरतात आणि सतत कामामुळे तणावात राहतात. (Photo : Freepik)

3/9

तु्म्ही सुद्धा कामाचा स्ट्रेस घेता का? किंवा सतत कामाचे टेन्शन घेता का? कामामुळे तणावात राहण्याचे खालील लक्षणे दिसून येतात. आज आपण त्या लक्षणांविषयी जाणून घेऊ या. (Photo : Freepik)

4/9

कामाविषयी सतत बोलणे
जरी तुमचे काम सात वाजता संपले असेल तरी तुम्ही तुमच्या मित्रांबरोबर, कुटुंबातील सदस्यांबरोबर तसेच शेजाऱ्यांबरोबर तुमच्या कामाविषयी बोलत असता. ऑफिसमध्ये घडणाऱ्या गोष्टी त्यांच्याबरोबर शेअर करता तसेच मॅनेजर किंवा बॉसविषयी सतत चर्चा करता. (Photo : Freepik)

5/9

सुट्टीच्या दिवशी मेल तपासणे
कामापासून ब्रेक घेण्यासाठी सुट्टी असते ज्यामुळे आपण स्वत:ला वेळ देऊ शकतो पण सुट्टीच्या दिवशी सुद्धा तुम्ही मेल तपासत असाल, तर हे चुकीचे आहे. तुम्हाला एखादी महत्त्वाची गोष्ट चुकवू नये, म्हणून सतत भीती असते त्यामुळे तुम्ही अपडेट जाणून घेण्याचा प्रयत्न करता. (Photo : Freepik)

6/9

इच्छा नसताना ऑफिस वेळेच्या पलीकडे काम करणे
तुम्हाला अति काम करायची इच्छा नसते. परंतु काही कारणांमुळे तुम्ही बोलत नाही आणि प्रत्येक जण त्याचा फायदा घेत तुमच्यावर काम सोपवतात. इच्छा नसताना तुम्ही ऑफिस वेळेच्या पलीकडे काम करता. (Photo : Freepik)

7/9

ऑफिसचे काम घरी करणे
अनेक जण डेडलाइन पूर्ण करण्याच्या नादात ऑफिसवरून घरी आल्यानंतर पुन्हा काम करतात. जो वेळ कुटुंबाबरोबर घालवणे अपेक्षित असते किंवा स्वत:ला वेळ देणे अपेक्षित असते तेव्हा तुम्ही ऑफिसचे काम करता. (Photo : Freepik)

8/9

सुट्टीवर असताना तुम्ही ऑफिसचा ग्रुप बंद ठेवत नाही
आठवड्याची सुट्टी असो किंवा तुम्ही चार पाच किंवा त्यापेक्षा जास्त दिवस सुट्टीवर असाल तर तुम्ही ऑफिसचे ग्रुप बंद ठेवत नाही आणि त्यामुळे तुम्हाला सतत मेसेज येतात आणि तुम्ही नीट सुट्ट्यांचा आनंद घेऊ शकत नाही. (Photo : Freepik)

9/9

सतत ऑफिस पॉलिटिक्सविषयी चर्चा करणे
जरी तुमचे काम संपले तरी तुम्ही तुमच्या सहकाऱ्यांबरोबर ऑफिस पॉलिटिक्सविषयी चर्चा करता. ऑफीसमध्ये काय घडत आहे, काय सुरू आहे यावर तुमचा वैयक्तिक वेळ घालवता. (Photo : Freepik)