-
शरीरासाठी पहिला आहार कोणत्या पदार्थांचा असणार आहे हे अत्यंत महत्त्वाचे आहे. रिकाम्यापोटी केलेला प्रथम आहार, यावर शरीराला लागणारी शक्ती आणि वापरली जाणारी शक्ती अवलंबून असते.
-
बहुतेकवेळा भूक लागली की आपण काय खात आहोत याचे भान राहत नाही आणि याचाच परिणाम पुढे शरीरावर होतो.
-
यावेळी कोणते पदार्थ खाल्ले पाहिजेत, याबद्दल अनेकदा सांगितले जाते, परंतु कुठल्या पदार्थांच्या सेवनाने त्रास होऊ शकतो याबद्दल अधिक चर्चा होत नाही.
-
चुकीच्या घटकांचे सेवन केले तर पचनशक्तीवर अधिक परिणाम होऊ शकतो. नक्की कोणते आहेत हे पदार्थ पाहूया पुढे-
-
दही : दह्यामध्ये असलेल्या लैक्टिक ॲसिडमुळे ॲसिडिटीची समस्या वाढू शकते. रिकाम्यापोटी दह्याचे सेवन केले तर शरीरातील चांगल्या जीवाणूंचा नाश होतो. यामुळे ॲसिडिटी आणि बद्धकोष्ठता यांची समस्या वाढू शकते.
-
आंबट फळं – द्राक्ष, संत्र, आवळा यांसारख्या आंबट फळांचे सेवन रिकाम्यापोटी केल्यास पचनशक्तीला त्रास होऊ शकतो. यामुळे ॲसिडिटी, आंबट ढेकर आणि पोटदुखी यांसारख्या समस्यांना तोंड द्यावे लागते.
-
कॉफी : चहा किंवा कॉफीचे सेवन ॲसिडिटी आणि बद्धकोष्टतेला आमंत्रण देतात. इतकेच नाही तर कॉफीमध्ये असलेल्या कॅफिनचा मेंदूवर वाईट परिणाम होतो.
-
तेलकट पदार्थ : तेलकट पदार्थांचे सेवन केल्याने पचनक्रियेत बिघाड होऊ शकतो, ज्यामुळे व्यक्तीला गॅस किंवा पोटदुखीचा त्रास होऊ शकतो.
-
गोड पदार्थ : सकाळी रिकाम्यापोटी गोड पदार्थांचे सेवन केल्याने रक्तातील साखरेची पातळी झपाट्याने वाढू शकते, यामुळे दिवसभर सुस्ती आल्यासारखे वाटते.
(सर्व फोटो सौजन्य ; पेक्सएल्स / अन्स्प्लॅश )
(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. त्यातील मतांशी ‘लोकसत्ता ऑनलाइन’चा संबंध नाही. त्यामुळे कोणताही वैद्यकीय उपचार करण्यापूर्वी आरोग्यतज्ज्ञांशी व डॉक्टरांशी सल्लामसलत करणे आवश्यक आहे.)
