शेतकऱ्याचा मुलगा तयार करतोय भारतातील पहिली करोना लस

1/15

देशात करोनाचा प्रादुर्भाव मोठ्या प्रमाणात वाढत आहे. भारत असेल किंवा अन्य देश असतील सर्वच देशांमधील शास्रज्ञ करोनावरील लस तयार करण्यात दिवसरात्र एक करत आहेत. (सर्व फोटो – संग्रहित)

2/15

याच दरम्यान एका शेतकऱ्याचा मुलगाही देशातील करोनावरील लस तयार करण्यास आपल्या टीमसोबत दिवसरात्र एक करत आहे. त्यांचं नाव आहे डॉ. कृष्णा एला.

3/15

त्यांनी आपल्या अथक प्रयत्नांच्या आणि मेहनतीच्या जोरावर एक छोटी लॅब तयार सुरु केली होती.

4/15

परंतु कालांतरानं त्यांनी त्या लॅबला एका मोठ्या कंपनीत बदललं. आता त्यांची कंपनी देशातील करोनाची लस तयार करण्याचं काम करत आहे.

5/15

देशातील पहिली करोना लस १५ ऑगस्ट रोजी लाँच करण्याचा मानस असल्याचं वृत्त मध्यंतरी आलं होतं. सध्या या लसीच्या मानवी चाचणीसाठीही परवानगी देण्यात आली आहे.

6/15

हैदराबादमधील भारत बायोटेक या कंपनीद्वारे ही लस तयार करण्यात येत आहे, नॅशनल इन्स्टिट्यूट ऑफ वायरोलॉजी आणि इंडियन कौन्सिल ऑफ मेडिकल रिसर्चच्या सहकार्यानं ही लस तयार करण्यात येत आहे.

7/15

यापूर्वीही कंपनी प्रकाशझोतात आली होती. यापूर्वी कंपनीनं हेपेटायटिसची लस तयार केली होती. तसंच झिका व्हायरससाठी लस तयार करणारी जगातील पहिल्या कंपनीचा मानही त्यांनी मिळवला होता.

8/15

डॉ. कृष्णा एला यांचा जन्म तामिळनाडूतील थिरूथानीमध्ये झाला होता. ते एका मध्यमवर्गीय शेतकरी कुटुंबातून आले आहेत.

9/15

बायोटेक्नॉलॉजिच्या क्षेत्रात पाऊल ठेवणारे त्यांच्या कुटुंबातील ते पहिलेच व्यक्ती आहेत. एका मुलाखतीदरम्यान त्यांनी आपल्या इथपर्यंतच्या प्रवासाचं वर्णनही केलं होतं.

10/15

त्यांनी आर्थिक परिस्थितीमुळे सुरूवातीला शेतीचंच शिक्षण घेतलं. तसंच शेती करण्याचाच विचारही त्यांनी केला होता.

12/15

त्यानंतर त्यांना शिष्यवृत्ती मिळाली आणि ते अमेरिकेत पुढील शिक्षणासाठी गेले.

13/15

त्यानंतर त्यांनी हवाई विद्यापीठातून मास्टर्स केलं आणि नंतर मेडिसन विद्यापीठातून पीएचडीदेखील केलं.

14/15

त्यानंतर ते अमेरिकेतच स्थायिक होण्याचा विचार करत होते. परंतु आपल्या आईसाठी ते परत आले. त्यानंतर हैदराबादमध्ये त्यांनी भारत बायोटेक नावाची लॅब सुरू केली आणि त्या ठिकाणी आपलं काम सुरू केलं.

15/15

डॉ. कृष्णा यांना आतापर्यंत १०० पेक्षा अधिक राष्ट्रीय आणि आंतरराष्ट्रीय पुरस्कारांनी सन्मानित करण्यात आलं आहे.