-
मध्य आशियामधील लेबनान देशाची राजधानी असणाऱ्या बैरूट शहरामध्ये मंगळावारी संध्याकाळच्या सुमारास दोन मोठे स्फोट झाले. या स्फोटांमुळे संपूर्ण शहर हादरलं आहे. (Photo : Twitter/LifeofPegasus)
-
या स्फोटांमध्ये ७० जण ठार झाले आहेत तर ४००० जण जखमी झाले आहेत. मृतांचा आकडा वाढण्याची भीती व्यक्त केली जात आहे. (Photo : Twitter/greenaugustus44)
-
या महाभयंकर स्फोटांमुळे एकच हलकल्लोळ उडाला. हे स्फोट नेमके कशामुळे झाले हे समजू शकलेलं नाही. (Photo : Twitter/Fawwazibra)
-
अनेक इमारतींचे नुकसान झालं आहे. (Photo : Twitter/C00Qq)
-
इंटरनेटवर या स्फोटानंतर अनेक फोटो व्हायरल होत असून हा त्यापैकीच एक फोटो आहे. राजधानीचं शहर स्फोटाआधी कसं होतं आणि नंतर काय झालं हे यामधून दिसत आहे. (Photo : Twitter/AllahdadGhumma)
-
हे दोन इतके भयानक स्फोट होता की त्यामुळे बैरूट हादरलं. (Photo : TwitterLifeofPegasus)
-
देशाचे पंतप्रधान हसन दियाब यांनी राष्ट्रीय दुखवटा जाहीर केला आहे. (Photo : Twitter/LifeofPegasus)
-
पंतप्रधानांनी या स्फोटांमुळे झालेल्या जिवीतहानीसंदर्भातील माहिती दिली आहे. (Photo : Twitter/CGTNOfficial)
-
बैरूटमध्ये अवघ्या १५ मिनिटांच्या आतच दोन महाभयंकर स्फोट झाले. (Photo : Twitter/C00Qq)
-
हे स्फोट इतके भयंकर होते की स्फोट झालेल्या जागेपासून १५ मैल अंतरावरील सर्व घरांच्या, इमारतींच्या काचा फुटल्या. (Photo : Twitter/LebaneseProblem)
-
कानठळ्या बसवणाऱ्या आवाजांनी संपूर्ण शहर हादरलं. शहरांमधल्या अनेक रस्त्यांवर धुराचे लोट पाहण्यास मिळाले. (Photo : Twitter/CGTNOfficial)
-
अनेक गाड्यांवर इमारतींचे अवशेष पडल्याने रस्त्यांवर नासधूस झालेल्या गाड्यांच्या रांगा पहायला मिळाल्या. (Photo : Twitter/LebaneseProblem)
-
बंदराजवळच्या भागात झालेल्या या स्फोटामुळे आजूबाजूच्या मोठ्या परिसराचे नुसान झालं आहे. रेड क्रॉस, जागतिक आरोग्य संघटना यासारख्या मोठ्या संघटनांनी तात्काळ मदत करण्याचे आवाहन केलं आहे. (Photo : Twitter/Syriaaaaidlb)
-
स्फोटानंतर अनेक जखमी नागरिक अशाप्रकारे रुग्णालयांबाहेर उपचारासाठी वाट पाहताने भयानक चित्र पाहायला मिळालं.(Photo : Twitter/greenaugustus44)
-
स्फोट झालेल्या ठिकाणी तर काही गाड्यांना आगही लागल्याची माहिती समोर आली आहे. (Photo : Twitter/LifeofPegasus)
-
अनेक मैलांवरुन या स्फोटामुळे निर्माण झालेला धूर आणि आगीचे लोळ पहायला मिळाले.(Photo : Twitter/C00Qq)
-
बैरूट या स्फोटांमुळे बेचिराख झालं आहे. (Photo : Twitter/CGTNOfficial)
-
लेबनानमधील यंत्रणा आधीच करोना संसर्गाशी दोन हात करत असतानाच या स्फोटामुळे रुग्णालयांमधील रुग्णांची संख्या अनेक पटींनी वाढली आहे. या स्फोटांनंतर शहरामध्ये अगदी युद्धजन्य परिस्थिती निर्माण झाल्याचे चित्र दिसत आहे. (Photo : Twitter/leenagn)
-
अनेक घरांचे मोठ्या प्रमाणात नुसान झालं आहे. (Photo : Twitter/LebaneseProblem)
-
या स्फोटांमधील ठोस कारण अद्याप समोर आलेलं नाही मात्र काही वृत्तवाहिन्यांनी सरकारी अधिकाऱ्यांच्या हवाल्याने दिलेल्या प्राथमिक अंदाजानुसार फटाक्यांसाठी वापरल्या जाणाऱ्या दारुगोळ्याच्या साठ्याला आग लागल्याने हे स्फोट झाले. (Photo : Twitter/cnnbrk)
-
तर या स्फोटांनंतर नारंगी रंगाचे ढग स्फोट झालेल्या प्रदेशाच्या वर दिसून आल्याने स्थानिक प्रसारमाध्यमांनी सोडियम नायट्रेटचा स्फोट झाल्याची शक्यता व्यक्त केली आहे. मात्र यावर अधिकृतरित्या कोणतीही माहिती अद्याप देण्यात आलेली नाही. (Photo : Twitter/MingisDesire)
Bachchu Kadu : “…तर भाजपा सत्तेत आली नसती”, सरकार स्थापनेच्या हालचाली सुरु असतानाच बच्चू कडूंचं मोठं विधान
