-
भारतात लशीकरणाच्या कार्यक्रमाची कशी तयारी सुरु आहे. त्याबद्दल पंतप्रधान नरेंद्र मोदी यांनी आज एका मुलाखतीत महत्त्वपूर्ण माहिती दिली.
-
लस तयार झाल्यानंतर ती प्रत्येक नागरिकापर्यंत पोहोचवणे, एक मोठे आव्हान आहे. कारण लशीची परिणामकारकता टिकवून ठेवण्यासाठी ती ठराविक तापमानात स्टोअर होणे आवश्यक आहे.
-
भारतात लशीच्या वितरणासाठी २८ हजारपेक्षा जास्त शीतगृहांचा वापर करण्यात येईल. त्याशिवाय डिजीटल प्लॅटफॉर्मही उपयोगात आणला जाईल, असे पंतप्रधान मोदी म्हणाले. (संग्रहित छायाचित्र)
-
“जेव्हा करोनाची लस भारतात येईल तेव्हा ती देशातील प्रत्येक नागरिकाला देण्यात येईल. कोणालाही यापासून वंचित ठेवलं जाणार नाही,” असं पंतप्रधान मोदी म्हणाले.
-
करोनाची लस सर्वांना दिली जाईल. पण सुरुवातीला सर्वात असुरक्षित गट आणि फ्रंटलाइन म्हणजे आघाडीवर राहून लढणाऱ्यांवर लक्ष केंद्रीत केले जाईल असे मोदी इकोनॉमिक टाइम्सला दिलेल्या मुलाखतीत म्हणाले.
-
लशीचा विकास आणि वितरण व्यवस्थेसाठी राष्ट्रीय तज्ज्ञ समितीची स्थापना करण्यात आली आहे असे मोदी म्हणाले. (संग्रहित छायाचित्र)
-
संग्रहीत
-
शेवटच्या माणसापर्यंत करोना लस पोहोचवण्यासाठी २८ हजार शीतगृहाच्या साखळीच्या माध्यमातून करोना लशीचे स्टोअरेज आणि वितरण केले जाईल असे मोदींनी सांगितले. (Photo: Reuters)
-
लशीचे वितरण आणि डोस देण्याची प्रक्रिया पद्धतशीरपणे व्हावी, यासाठी राज्य, जिल्हा आणि स्थानिक पातळीवर खास पथके असतील, त्यांच्यावर जबाबदारी निश्चित केलेली असेल असे मोदी म्हणाले.
-
सरकारनं सुरूवातीच्या टप्प्यात सर्व देशवासीयांना करोनाची लस उपलब्ध करून देण्यासाठी ५० हजार कोटी रूपयांपर्यंतची तरतूद करण्याचा निर्णय घेतला आहे. एका व्यक्तीला करोनाची लस देण्यासाठी जवळपास ३८५ रूपयांपर्यंतचा खर्च अपेक्षित आहे.
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
