पिंपरीतील तरुण चहा व्यवसायातून महिन्याला कमावतोय तब्बल…; करोनामुळे नोकरी गमावली जिद्द नाही!

1/10

पिंपरी-चिंचवड शहरात सध्या ऑनलाइन चहा विक्रेत्या मित्रांची जोरदार चर्चा सुरू आहे. पिंपरीत कॅफे 18 नावाच्या दुकानात काही मित्रांनी एकत्रित येत ऑनलाइन चहा विक्रीचा व्यवसाय सुरू केला आहे.

2/10

मराठमोळा रेवन शिंदे आणि मुकेश हे दोघेही खासगी कंपनीत 12 हजारांच्या पगारावर सुरक्षा रक्षकाची नोकरी करत होते.

3/10

पण मार्च महिन्यात करोनाचं संकट येऊन धडकलं, त्यात लॉकडाउन झाल्याने काही महिने कंपनी बंद पडली. कालांतराने कंपनीचे स्थलांतर झाले, ज्यामुळे रेवन आणि मित्र मुकेशचा रोजगार गेला.

4/10

त्यांच्यापुढे करायचं काय असा प्रश्न भेडसावत होता. यावेळी त्यांनी ऑनलाइन चहा विक्री करण्याचं ठरविले. त्यानुसार पिंपरीत कॅफे 18 नावाचे दुकान सुरू करून 'चालता बोलता चहा' कॉल करा…चहा मागवा, केवळ दहा मिनिटात ही संकल्पना सुरू केली.

5/10

सुरूवातीला त्यांना म्हणावा तसा प्रतिसाद मिळाला नाही. पण सध्याच्या घडीला 60 छोट्या मोठ्या कंपनीत त्यांचा चहा जातोय.

6/10

पण सध्याच्या घडीला 60 पेक्षा जास्त छोट्या मोठ्या कंपनीत त्यांचा चहा जातोय. विशेष म्हणजे एका चहाची ऑर्डर असेल तरीही त्या ठिकाणी चहाची होम डिलिव्हरी दिली जाते.

7/10

'चालता बोलता चहा' कॉल करा…चहा मागवा, केवळ दहा मिनिटात…ही संकल्पना मराठमोळ्या रेवन शिंदेची असून तो सुरक्षा रक्षकाची नोकरी करायचा. करोना संकटामुळे नोकरी गेली, सोबत असलेल्या मुकेश आणि शांताराम नवगिरे यांनी साथ देत ऑनलाइन चहा विक्रीचा व्यवसाय सुरू करण्याचं ठरवलं.

8/10

व्यवसायात आता यश मिळत असल्याने महाविद्यालयातील विद्यार्थांना पार्ट टाइम नोकरीची संधीही रेवन याने उपलब्ध करून दिली असून शिक्षणासोबत रोजगार मिळवून देण्याचा त्याचा प्रयत्न आहे.

9/10

सध्या, दररोज सातशे कप चहाची विक्री होत असून त्यामधून महिन्याकाठी तब्बल अडीच लाख रुपयांची उलाढाल होत असल्याचं रेवन याने सांगितलं.

10/10

चहासोबतच दूध, कॉफीचीही तीन किलोमीटरच्या आत होम डिलिव्हरी ते देतात. आज हे तरुण महिन्याला तब्बल अडीच लाखांची उलाढाल करत आहेत. त्यांचं सर्वत्र कौतुक होत असून नागरिकांकडूनही त्यांच्या व्यवसायाला चांगला प्रतिसाद मिळतोय. करोनामुळे अनेकांची नोकरी गेली. पण खचून न जाता आपल्या जिद्दीच्या बळावर या तरुणांनी जीवनात पुन्हा उभारी घेतली आहे.