-
करोना लॉकडाउनच्या कालावधीमध्ये रोजगारासंदर्भातील फटका बसलेल्या मुंबईकराची टक्केवारी तब्बल ६६ टक्के इतकी आहे. तर २५ टक्के लोकांना बिनगारी काम करावं लागल्याची माहिती समोर आली आहे. याचबरोबर आर्थिक, आरोग्यविषय आणि इतर अडचणींबद्दलची माहितीही एका सर्वेक्षणातून समोर आलीय.
-
लॉकडाउनमध्ये नोकरी गमावलेल्या किंवा कमाईला फटका बसलेल्या मुंबईकरासंदंर्भात करण्यात आलेल्या एका सर्वेक्षणामधून ही आकडेवारी समोर आली आहे.
-
मुंबईतील वेगवेगळ्या वॉर्डमधील दोन हजारहून अधिक जणांचं सर्वेक्षण या अभ्यासामध्ये करण्यात आलं.
-
यामध्ये लॉकडाउनच्या कालावधीमध्ये घरातच राहणं ही सर्वात मोठी समस्या असल्याचं अनेकांनी म्हटलं आहे.
-
प्रजा फाऊण्डेशनने करोना माहामारीचा मुंबईकरांच्या आयुष्यावर कसा परिणाम झाला आहे हे जाणून घेण्यासाठी हे सर्वेक्षण केलं होतं. यामध्ये ६६ टक्के मुंबईकरांनी लॉकडाउनच्या कालावधीमध्ये घरभाडं देण्यात मोठ्या अडचणी आल्याचं म्हटलं आहे.
-
त्याचप्रमाणे सर्वेक्षणामध्ये सहभागी झालेल्या ४७ टक्के मुंबईकरांनी आपल्या बचत खात्यांमधील पैसे करोना लॉकडाउनच्या काळात घरखर्च चालवण्यासाठी वापरावे लागल्याचं म्हटलं आहे.
-
करोना लॉकडाउनच्या मुंबईकरांच्या दैनंदिन आयुष्यावर कसा परिणाम झाला आहे यासंदर्भातील माहिती जाणून घेण्यासाठी हे सर्वेक्षण करण्यात आलं होतं. यामध्ये आर्थिक बाबींबरोबरच प्रवास, आरोग्य आणि शिक्षणासंदर्भातील प्रश्नही विचारण्यात आले होते.
-
करोनामुळे सार्वजनिक वाहतूक व्यवस्थेसंदर्भात मुंबईमध्ये मोठा बदल झाल्याचं दिसून आलं आहे.
-
सर्वसामान्यांसाठी ट्रेन बंद असल्याने बहुतांश मुंबईकर या कालावधीमध्ये बसनेच प्रवास करत आहेत. त्यामुळे ट्रेनपेक्षा बसचा प्रवास अधिक योग्य असल्याचं मत अनेकांनी या सर्वेक्षणात नोंदवलं आहे.
-
करोना लॉकडाउनच्या आधी ३२ टक्के मुंबईकरांनी ट्रेनला प्रथम प्राधान्य दिलं होतं. मात्र आता केवळ २३ टक्के मुंबईकरांनी ट्रेनला प्राधान्य दिलं असून बसने प्रवास करण्यास प्राधान्य देणाऱ्या मुंबईकरांची संख्या वाढली आहे.
-
करोना कालावधीमध्ये शक्य झाल्यास कमी अंतरावर टॅकी किंवा इतर माध्यमांऐवजी चालत कामाच्या ठिकाणी जाण्यास मुंबईकरांनी प्राधान्य दिल्याचं या सर्वेक्षणात पहायला मिळालं.
-
कोणत्याही पद्धतीच्या वाहतूक व्यवस्थेपेक्षा चालतच ऑफिसला जाण्यास अनेकजण प्राधान्य देत असल्याचे दिसले.
-
रिक्षा, टॅक्सी आणि खासगी वाहने वापरण्याच्या मुंबईकरांच्या सवयींमध्ये करोना लॉकडाउनमुळे बराच फरक पडल्याचं दिसत आहे.
-
प्राजा फाऊण्डेशनच्या या प्रकल्पाचे नेतृत्व करणाऱ्या मलिंद म्हस्के यांनी मुंबईतील रस्त्यांची सुधारणा करण्याची गरज बोलून दाखवली आहे.
-
खास करुन करोना लॉकडाउन कालावधीमध्ये मुंबईकरांचा बसने प्रवास वाढला असताना रस्त्यांची काम करणं गरजेचं असल्याचं म्हस्के म्हणतात.
-
त्याचप्रमाणे सीट सॅनिटाइज करणे, कॉनटॅक्टलेस तिकीट सेवा यासारख्या सेवा सुरु केल्यास लोकं सार्वजनिक प्रवासासाठी बसला प्राधान्य देतील असा विश्वासही म्हस्के यांनी व्यक्त केला.
-
करोना लॉकडाउनमुळे आता मुंबईकरांनी कमाईचं साधन म्हणजेच नोकरी धंदा आणि राहण्याची जागा जवळ जवळ असेल या गोष्टीला प्राधान्य देण्यास सुरुवात केल्याचही या सर्वेक्षणात दिसून आलं आहे.
-
या सर्वेक्षणामध्ये सहभागी झालेल्या दोन हजार ८७ जणांपैकी ३६ टक्के मुंबईकरांनी आम्हाला कंपनीने करोना लॉकडाउनकाळात अनपेड लीव्ह दिल्याचं सांगितलं.
-
२५ टक्के मुंबईकरांनी बिनपगारी काम करण्याची वेळ आमच्यावर आल्याचंही म्हटलं आहे.
-
तसेच ६६ टक्के मुंबईकरांनी पगारकपात करण्यात आली तरी कंपनीने कर्मचारी कपात केल्यामुळे आम्हाला जास्त वेळ काम करावं लागल्याचं सांगितलं आहे.
-
या सर्वेक्षणामध्ये अगदी रोजंदारीवर काम करणाऱ्यांपासून मोठ्या कार्यालयांमधील उच्च पदस्थ अधिकाऱ्यांपर्यंत सर्वांचा समावेश करण्यात आला होता.
-
या सर्वेक्षणामध्ये वर्क फ्रॉम होम म्हणजेच घरुन काम करणाऱ्यांचाही समावेश करण्यात आला होता.
-
नोकरी गेल्याने किंवा घरुन काम करण्यास सांगण्यात आल्याने २३ टक्के लोक मुंबईबाहेर गेले किंवा मुंबईबाहेरुन काम करत होते.
-
अनेक ठिकाणी पुरुषांपेक्षा महिलांना वर्क फ्रॉम होमसाठी प्राधान्य देण्यात आलं.
-
वर्क फ्रॉम होम करणाऱ्यांनाही करोना कालावधीमध्ये इतर त्रास तुलनेने कमी झाला असला तरी पगारकपातीचा फटका मात्र बसला.
-
सर्वेक्षणामध्ये सहभागी झालेल्या वर्क फ्रॉम होम करणाऱ्यांपैकी २८ टक्के लोकांनी पगारकपात झाल्याचे सांगितलं.
-
करोना लॉकडाउनमुळे ऑनलाइन माध्यमातून शाळा आणि शिक्षण सुरु असल्याने अनेक मुलांनी सतत मोबाईल तसेच कंप्युटर स्क्रीन पाहिल्याने डोळ्यांना त्रास होत असल्याची तक्रार केल्याचेही या सर्वेक्षणात दिसून आलं. तसेच मुलांना ऑनलाइन अभ्यासामध्ये आता फार काही रस उरलेला नाही असंही सर्वेक्षणात दिसून आलं.
-
जेनेफर स्पीन्सर या सर्वेक्षणामध्ये प्रजाकडून काम करत होत्या. त्यांनी दिलेल्या माहितीनुसार ८२ टक्के प्रकरणांमध्ये शिक्षकांनाच मुलांच्या पालकांना ऑनलाइन माध्यमे शिक्षणासाठी कशी वापरली जावीत हे शिकवल्याचं म्हटलं आहे.
-
तसेच ऑनलाइन शाळांपेक्षा प्रत्यक्ष शाळांमध्ये जाऊन मुलांनी शिक्षण घेणं योग्य असल्याचं मत नोंदवलं.
-
शाळा सुरु झाल्यास मुलांनी शाळेत जाऊन अभ्यास करावा असं मत नोंदवणाऱ्या मुंबईकरांची संख्या ५४ टक्के इतकी आहे. (सर्व फोटो प्रातिनिधिक आहेत. फोटो : इंडियन एक्सप्रेस, पीटीआय, रॉयटर्स आणि एएफपी)
US Illegal Immigrants : ‘अमेरिकेत होते हे माहितीच नव्हतं’, ट्रम्प यांनी भारतात परत पाठवलेल्या गुजराती स्थलांतरितांच्या कुटुंबियांचा खुलासा
