-
दिल्लीच्या सीमांवर सुरु असणाऱ्या आंदोलनाच्या पार्श्वभूमीवर सोमवारी बंदोबस्त वाढवण्यात आला.
-
दिल्लीच्या सीमांवर मोठ्याप्रमाणात पोलिसांचा फौजफाटा तैनात करण्यात आल्याने या ठिकाणाला एखाद्या लष्करी छावणीचं स्वरुप आलं आहे.
-
पोलिसांनी सोमवारीच या सीमांजवळची सुरक्षा वाढवण्याबरोबरच बॅरिकेड्सची संख्याही वाढवली आहे.
-
नवीन कृषी कायद्यांना विरोध करणाऱ्या शेतकऱ्यांच्या मार्गामध्ये अडथळा निर्माण करण्यासाठी आणि मर्यादित वाहतूक व्हावी या हेतूने येथे पोलिसांनी मजुरांच्या मदतीने सिमेंटच्या स्लॅबवर उलटे खिळे लावले आहेत.
-
दिल्ली हरयाणा सीमांवरील राष्ट्रीय महामार्गावर अनेक ठिकाणी आंदोलक शेतकऱ्यांनी वाहतूक आंदोलन सुरु केलं आहे. त्यामुळेच पोलिसांनी येथे एक तात्पुरत्या स्वरुपाची बॅरिकेट्सची भींतच उभारली आहे.
-
दिल्ली-उत्तर प्रदेश सीमेजवळ गाजीपूरमध्ये वाहनांची ये-जा थांबवण्यासाठी अनेक पद्धतीचे बॅरिकेट्स लावण्यात आलेत.
-
लोकांनी गाड्या घेऊन तसेच पायी चालत सीमा ओलांडू नये म्हणून रस्त्यावर खिळ्यांच्या पट्ट्या लावण्यात आल्यात.
-
शेकडो बॅरिकेट्स लावून रस्ते आडवण्यात आले आहेत.
-
केवळ बॅरिकेट्सच नाही तर वेगवेगळ्या पद्धतीने शेतकऱ्यांना रोखण्यासाठी उपाययोजना करण्यात आल्या आहेत. बॅरिकेट्सच्यामध्ये अशाप्रकारे अडथळे निर्माण करण्यासाठी खिळे, लोखंडी खांब आणि तारा वापरण्यात आल्यात.
-
भारतीय किसान यूनियनचे सदस्य आणि त्यांचे नेता राकेश टिकैत यांनी गाजीपूर येथील यूपी गेटजवळ आंदोलन कायम ठेवण्याची हाक दिली आहे.
-
२६ जानेवारी रोजी झालेल्या हिंसेनंतर टिकैत यांनी केलेल्या भावनात्मक आवाहनानंतर राजस्थान, उत्तर प्रदेश आणि उत्तराखंडमधून मोठ्या संख्येने शेतकरी आंदोलनाच्या ठिकाणी पुन्हा जमा होऊ लागले आहेत.
-
शेतकरी कायद्यांना विरोध करणाऱ्या शेतकरी संघटनांनी दिल्ली – मेरठ राष्ट्रीय महामार्गाचा काही भाग नोव्हेंबर महिन्यापासून ताब्यात घेतला असून या ठिकाणी शेतकरी आंदोलन करत आहेत.
-
गाझियाबाद प्रशासनाने आंदोलकांनी दिल्ली-मेरठ महामार्ग रिकामा करावं यासाठी अल्टीमेटम देण्यात आल्याची जोरदार चर्चा २६ जानेवारीनंतर सुरु झाली होती.
-
मात्र पोलिसांनी गाझीपूर येथील आंदोलकांना जबरदस्तीने हटवलं होतं. राकेश टिकैत यांच्या भावनात्मक आवाहनानंतर मोठ्या संख्येने शेतकरी येथे येऊ लागले आहेत.
-
या ठिकाणी प्रोव्हिशियल आर्म्ड कांस्टेबुलरी (पीएसी) आणि रॅपीड अॅक्शन फोर्ससहीत इतर सुरक्षा दलांच्या तुकड्या तैनात करण्यात आल्या आहेत.
-
या परिसरावर नजर ठेवण्यासाठी ड्रोन कॅमेरांचाही वापर केला जात आहे. येणाऱ्या जाणाऱ्या प्रत्येक वाहनाची तपासणी केली जात आहे.
-
उत्तर प्रदेश, राजस्थान आणि हरयाणामधून या आंदोलनाला पाठिंबा देण्यासाठी मोठ्या संख्येने शेतकरी पुन्हा दिल्लीच्या सीमांवर येत असल्याने सुरक्षा वाढवण्यात आलीय.
-
हरयाणाला लागून असणाऱ्या सिंघू बॉर्डवर दोन बॅरिकेट्सच्या मध्ये तात्पुरत्या स्वरुपाचे लोखंडी खांब लावण्यात आले आहेत. तसेच येथे रस्त्यावर खिळ्यांच्या पट्ट्या लावण्यात आल्यात. २६ जानेवारी रोजी शेतकरी आणि पोलिसांमध्ये झालेल्या हिंसेनंतर हा निर्णय घेण्यात आलाय. (सर्व फोटो एएनआय आणि ट्विटरवरुन साभार)
पोटच्या मुलाला वाचवण्यासाठी आईनं केले थेट आगीशी दोन हात; आता मृत्यूशीही झुंज सुरू!
