-
'बाई, बुब्स आणि ब्रा'… हे शब्द तुमच्या कानावर पडलेच असतील… एकदोन दिवसांपासून हा विषय चर्चेचा केंद्रबिंद ठरला आहे. अभिनेत्री हेमांगी कवीने एक पोस्ट लिहून भूमिका मांडली. अनेकांनी तिचं समर्थ केलं… काहींनी विरोधाचा सूर लावला.
-
हेमांगी कवीच्या या पोस्टवर तृप्ती देसाईंनी पुढे येत भूमिका मांडली. तृप्ती देसाईंनी फेसबुकवर पोस्ट लिहून हेमांगीच्या भूमिकेचं समर्थन केलं आणि खडेबोलही सुनावले.
-
ब्रा घालण्यावरून सुरू असलेल्या चर्चेत उडी घेत तृप्ती देसाई यांनी 'नो ब्रा डे' साजरा करण्याचंही आवाहन केलं.
-
त्यामुळे तृप्ती देसाई पुन्हा एकदा चर्चेत आल्या असून, कोण आहेत तृप्ती देसाईं, अशी चर्चाही सुरू झाली आहे. तर जाणून घेऊयात सामाजिक कार्यकर्त्या तृप्ती देसाई यांच्याविषयी…
-
तृप्ती देसाई या मूळच्या कोल्हापूरच्या आहेत, पण त्यांचं कुटुंब पुण्यात स्थायिक झालेलं.
-
त्यांनी पुण्यातील 'एसएनडीटी' महाविद्यालयातून होम सायन्सची पदवी घेतलेली आहे.
-
खरंतर सगळ्यांनी तृप्ती देसाईचं नाव पहिल्या ऐकलं ते शनिशिंगणापूरच्या चौथऱ्यावर महिलांना प्रवेश मिळवण्यासाठी केलेल्या आंदोलनावेळी…
-
त्याधीही त्या चर्चेत आल्या होत्या; कारण त्यांनी अजित पवार यांच्यासोबतच पंगा घेतला होता.
-
तृप्ती देसाईंची दखल मीडियाने सर्वप्रथम घेतली ती त्यांनी अजित सहकारी बँक आणि पतसंस्थेविरोधात केलेल्या आंदोलनामुळे.
-
या बँकेत झालेल्या काही गैरप्रकारांविरुद्ध देसाई यांनी २००८ साली आंदोलन छेडलं होतं.
-
तृप्ती देसाई यांनी राजकारणात उतरण्याचाही प्रयत्न केला होता.
-
२००९ साली त्यांनी काँग्रेसकडे निवडणुकीचं तिकिटही मागितलं होतं, पण त्यांना मिळालं नाही.
-
सुरूवातील तृप्ती देसाई यांनी अण्णा हजारेंच्या भ्रष्टाचार निर्मूलन आंदोलनात सहभाग घेतला.
-
त्यानंतर त्यांनी बुधाजीराव मुळीक यांच्या भूमाता ब्रिगेड या संस्थेत काम करायला सुरुवात केली.
-
पुढे तृप्ती देसाई मुळीक यांच्या संस्थेतून बाहेर पडल्या आणि २०१० मध्ये त्यांनी स्वतःची भूमाता रणरागिणी ब्रिगेड नावाची संघटना स्थापन केली. या संस्थेमार्फत त्या महिलांच्या मंदिरप्रवेशाबद्दलच्या हक्कांविषयी लढा देत आहेत.
-
शनिशिंगणापूर आंदोलनाच्या निमित्ताने तृप्ती देसाईंची राष्ट्रीय पातळीवर दखल घेतली गेली.
-
मुख्य चौथऱ्यावर महिलांना प्रवेश मिळावा, यासाठी न्यायलयीन लढाई सुरू होती. याच दरम्यान तृप्ती देसाईंनी या लढाईला रस्त्यावर उतरून आंदोलनाचं स्वरूप दिलं.
-
शनिशिंगणापूर पाठोपाठ तृप्ती देसाईंनी मुंबईचा हाजी अली दर्ग्यात, कोल्हापूरच्या महालक्ष्मी, नाशिकच्या त्र्यंबकेश्वर आणि कपालेश्वर मंदिरांच्या गाभाऱ्यात महिलांना प्रवेश मिळावा म्हणून आंदोलनं केली.
-
नाशिकमधील कपालेश्वर मंदिरात प्रवेश करण्याचा प्रयत्नांवेळी तृप्ती देसाई यांच्यावर सोडा वॉटरच्या बाटल्यांनी हल्ला करण्यात आला होता.
-
त्यानंतर तृप्ती देसाई पुन्हा एकदा बाई, बुब्स आणि ब्रा या विषयावर सुरू असलेल्या चर्चेमुळे पुन्हा प्रसिद्धी झोतात आल्या आहेत.
-
हेमांगी कवी यांनी मांडलेल्या भूमिकेनंतर देसाई यांनी वेगळी संकल्पना मांडली आहे. "या जानेवारीपासून आमच्या भूमाता फाऊंडेशनच्या माध्यमातून या वर्षीपासून आपल्या महाराष्ट्रात" नो ब्रा डे" साजरा केला पाहिजे… असं माझ्या मनात आहे, असं त्या म्हणाल्या आहेत.
-
"कृतीतून जितका संदेश जाईल, तितका बदल होण्यास सोपं जातं… विरोध होईलच परंतु पुढाकार घेऊन करणंही तितकंच गरजेचं आहे. आम्ही जेव्हा हा दिवस साजरा करू तेव्हा स्वतःहून तुम्ही यात सहभागी व्हाल हीच अपेक्षा", अशी भूमिका देसाई यांनी मांडली आहे.
-
(सर्व फोटो सौजन्य : तृप्ती देसाई / फेसबुक)
छत्रपती शिवाजी महाराजांचा गनिमीकावा अन् मराठा लष्करी इतिहास, JNU मध्ये आता विशेष केंद्र; कधी सुरू होणार अभ्यासक्रम
