-
पुण्यातील हडपसर येथील सिरम इन्स्टिट्यूट कंपनीच्या मागील बाजूस असलेल्या गोसावी वस्ती येथील मोकळ्या जागेत मॉर्निंग वॉकसाठी गेलेल्या व्यक्तीवर बिबट्याने हल्ला केल्याची घटना घडली आहे.
-
या घटनेत व्यक्ती जखमी झाली असून ससून रुग्णालयामध्ये उपचार सुरू आहेत.संभाजी बबन आटोळे असं जखमी व्यक्तिचं नाव आहे.
-
प्रत्यक्षदर्शी गणेश जगताप यांनी दिलेल्या माहितीनुसार, सकाळी नेहमीप्रमाणे सहा वाजण्याच्या सुमारास संभाजी आटोळे मॉर्निग वॉकला आले होते.
-
घटनास्थळी वनविभागाचे अधिकारी दाखल झाले होते.
-
प्रत्यक्षदर्शी गणेश जगताप यांनी दिलेल्या माहितीनुसार, सकाळी नेहमीप्रमाणे सहा वाजण्याच्या सुमारास संभाजी आटोळे मॉर्निग वॉकला आले होते.
-
ते सांगतात “मी माझ्या घराच्या गच्चीवर असताना अचानक त्यांच्या अंगावर एका प्राण्याने झडप घातली आणि त्यांनी आरडाओरड करत मदतीसाठी आवाज दिला. मी पाहिले असता साधारणपणे दीड फूट उंचीचा बिबटया दिसून आला. त्यावर मीदेखील वस्तीवरील लोकांना आवाज देऊन गोळा केले. “
-
लोक येईपर्यंत मात्र तोवर बिबटय़ा पळून गेला.
-
या घटनेमध्ये संभाजी यांच्या पाठीला मोठी जखम झाली आहे.
-
उपचारासाठी सुरुवातीला त्यांना खासगी रूग्णालयात दाखल करण्यात आले होते.
-
कोणता प्राणी होता हे अद्यापपर्यंत सांगू शकत नाही असं वन अधिकारी एस मुकेश जयसिंग यांनी सांगितलं.
-
रात्रीच्या वेळी या ठिकाणी गस्त घातली जाणार आहे असही सांगण्यात आलं आहे. (सर्व फोटो: अरुल होरायझन, पुणे )
-
घटनास्थळी पाहणी केली असता मोठ्या प्रमाणावर गवत असल्याने अधिकाऱ्यांना पायाचे ठसे आढळून आलेले नाहीत.
भुकेल्या बाळाला दूध आणायला उतरली आणि ट्रेन सुटली; पण तेवढ्यात घडला चमत्कार, VIDEO चा शेवट पाहून डोळ्यांत येईल पाणी
