-
महाराष्ट्रातील अमरावती जिल्ह्यात चिखलदरा येथे जगातील सर्वात मोठा स्कायवॉक निर्माण होत आहे.
-
चिखलदऱ्याच्या या स्कायवॉकचं बांधकाम सुरू असतानाच केंद्र सरकारच्या पातळीवर काही अडथळे आले.
-
याबाबत पर्यटन मंत्री आदित्य ठाकरे व पालकमंत्री यशोमती ठाकूर यांच्यात नुकतीच याबाबत बैठक झाली होती.
-
तसेच केंद्र शासनाकडून परवानगी मिळण्यासाठी राज्य शासनाने पाठपुराव्याची मागणी यशोमती ठाकूर यांनी केली होती.
-
त्यानुसार तात्काळ पाठपुरावा होऊन केंद्र सरकारची परवानगी प्राप्त झाली आहे. त्यामुळे स्कायवॉक विकासाचा मार्ग मोकळा झाला आहे.
-
केंद्राच्या परवानगीमुळे आता चिखलदरा येथील स्काय वॉकचे काम लवकरच पूर्णत्वास जाण्याची चिन्हे आहेत.
-
जगात स्वीझरलँड आणि चीन या ठिकाणी स्कायवॉक आहे.
-
स्वीझरलँडचा स्कायवॉक ३९७ मीटर लांबीचा आहे.
-
चीनचा स्कायवॉक ३६० मीटर लांबीचा आहे.
-
मात्र, अमरावती जिल्ह्यातील चिखलदरा येथे तयार होणारा प्रस्तावित स्कायवॉक ४०७ मीटरचा म्हणजेच जगातील सर्वात लांब स्कायवॉक असणार आहे.
-
मात्र, चिखलदरा स्कायवॉकच्या बांधकामात काही अडथळे आले. आता हे अडथळे दूर झाले आहेत.
-
राज्याच्या पाठपुराव्यानंतर केंद्र सरकारने या स्कायवॉकच्या बांधकामाला परवानगी दिलीय.
-
अमरावतीचे पालकमंत्री यशोमती ठाकूर म्हणाल्या, “केंद्र सरकारने चिखलदरा येथील स्काय वॉकचे अडथळे काढून टाकले आहेत.”
-
याबाबत आम्हाला परिपत्रक मिळालं आहे, असंही यशोमती ठाकूर यांनी सांगितलं.
-
२ दिवसांपूर्वीच राज्याचे पर्यटनमंत्री आदित्य ठाकरे यांनी केंद्राच्या स्तरावरील अडथळे दूर करण्याचं आश्वासन दिलं होतं.
-
यानंतर आता केंद्र सरकारने यावर प्रतिसाद दिलाय.
-
अमरावतीत स्कायवॉक निर्माण करणं या जिल्ह्यासाठी अतिशय महत्त्वाचा पर्यटनाचा भाग आहे.
-
अमरावतीतील या स्कायवॉकसाठी मुख्यमंत्री उद्धव ठाकरे यांच्या कार्यालयातून पाठपुरावा होत आहे, असंही ठाकूर यांनी नमूद केलंय.
-
यशोमती ठाकूर यांनी या कामातील पाठपुराव्यासाठी मुख्यमंत्री उद्धव ठाकरे आणि आदित्य ठाकरे यांचे आभार मानले.
-
एकूणच लवकरच अमरावतीत जगातील सर्वात लांब स्कायवॉक बांधून पूर्ण होईल असं चित्र आहे.
-
चिखलदऱ्याचा हा स्कायवॉक पूर्ण झाल्यानंतर अनेक पर्यटकांची अमरावतीकडे वळतील असं दिसतंय.
तृतीयपंथी मराठी अभिनेत्री अडकली विवाहबंधनात, लग्नाचे फोटो शेअर करत म्हणाली, “गणपती बाप्पाच्या आशीर्वादाने…”
