मशिदींवरील भोंगे, ‘नवहिंदुत्ववादी’सह अयोध्या दौऱ्याच्या मुद्द्यावरून संजय राऊतांचा राज ठाकरे आणि भाजपावर निशाणा!

1/12

“मशिदींवरील भोंगे काढण्याची आणि हनुमान चालीसा पठण करण्याची मागणी ही राज्यामध्ये सामाजिक तणाव निर्माण करण्याच्या प्रयत्नांचा एक भाग आहे.” (सर्व फोटो-संग्रहीत)

2/12

“महाविकास आघाडी सरकार उलथून लावण्यासाठी हे प्रयत्न केले जात असून, महाराष्ट्र नवनिर्माण सेनेच्या मदतीने भाजपा हे प्रयत्न करत आहे.”

3/12

“हिंदू समाजात देखील काही ओवेसी निर्माण करण्यात आलेले आहेत. त्यांच्या खांद्यावर बंदूक ठेवून महाराष्ट्रात फूट पाडण्याचे, दंगली घडवण्याचे, धार्मिक तणाव निर्माण करण्याचे प्रयोग सुरू झालेले आहेत.”

4/12

“भाजपा त्यांचं काम हे ‘नवहिंदुत्ववादी एमआयएम’ आणि ‘नवहिंदू ओवेसींच्या’ माध्यमातून करुन घेत आहे.”

5/12

“भोंगे वाटप करुन मशिदींसमोर भोंग्यांवरुन हनुमान चालीसा वाजवण्याचा त्यांचा डाव आहे, त्यांनी यासाठी कंत्राट दिलं आहे.”

6/12

“ते मशिदींसमोर भोंग्यांवरुन हनुमान चालीसा वाजवतील. मग खरे ओवेसी (असदुद्दीन ओवेसी) या प्रकरणामध्ये (भोंगा प्रकरणात) पडतील आणि साऱ्याचं रुपांतर दंगलींमध्ये होईल.”

7/12

“दंगली झाल्यानंतर ते केंद्राकडे राजभवनाच्या माध्यमातून अहवाल पाठवतील आणि राज्यात राष्ट्रपती राजवट लागू करतील.”

8/12

“देशभरातील दंगलीचा व्यापक कट आहे आणि जे दिल्लीत घडलं ते महाराष्ट्रात घडवण्याचा प्रयत्न सातत्याने सुरू आहे. परंतु यशस्वी होणार नाहीत.”

9/12

“महाराष्ट्राची जनता अत्यंत सावध आहे, जागरुक आहे, संयमी आहे आणि ज्ञानी आहे, एवढच मी सांगेन.”

10/12

“शिवसेनाप्रमुख बाळासाहेब ठाकरे यांच्या नेतृत्वाखाली संपूर्ण शिवसेना अयोध्येच्या राम मंदिराच्या लढ्यामध्ये प्रत्यक्ष रणभूमीवर काम करत होती.”

11/12

“आमची काय राजकीय यात्रा नाही, आमची ही श्रद्धेची यात्रा आहे. राजकीय यात्रा असेल तर आम्ही तारीख ठरवतो आणि जाहीर करतो.”

12/12

भाजपा सध्या निराश झालेला पक्ष असून महाविकास आघाडीमधील शिवसेना, राष्ट्रवादी आणि काँग्रेसच्या आमदारांना आपल्या बाजूने करण्याचे त्यांचे प्रयत्न अयशस्वी होत आहेत.