-
आयएएस अधिकारी टीन डाबी आणि प्रपीद गावंडे अखेर विवाबंधनात अडकले आहेत.
-
जयपूरमधील पंचतारांकित हॉटेलमध्ये काही मोजक्या पाहुण्यांच्या उपस्थितीत त्यांचा विवाहसोहळा पार पडला. याच ठिकाणी रिसेप्शनदेखील देण्यात आलं.
-
लग्नानंतर टीना डाबी यांनी ट्विटरवरील आपला प्रोफाइल फोटो बदलला आहे.
-
फोटोमध्ये टीना डाबी पती प्रदीप गावंडे यांच्यासोबत दिसत आहेत. #NewProfilePic असा हॅशटॅग देत त्यांनी हा फोटो शेअर केला आहे.
-
टीना डाबी आणि प्रदीप गावंडे यांनी अत्यंत साध्या पद्धतीने लग्न केलं.
-
दोघांच्या लग्नातील एक फोटो समोर आला आहे. या फोटोत दोघेही डॉक्टर बाबासाहेब आंबेडकरांच्या फोटोसमोर उभं राहून लग्नविधी करत असल्याचं दिसत आहे.
-
हे लग्न बौद्ध पद्धतीनुसार पार पडल्याची माहिती आहे.
-
टीना आणि प्रदीप यांच्या लग्नात नातेवाईक आणि जवळचे लोक उपस्थित होते.
-
२० ते २२ एप्रिलपर्यंत जयपूरमध्ये लग्नाचे कार्यक्रम सुरु होते.
-
लग्नानंतर जयपूरच्या हॉटेलमध्ये रिसेप्शन देण्यात आलं.
-
टीना डाबी यांनी सोशल मीडियावर लग्नातील फोटो शेअर केले आहेत.
-
टीना डाबी २०१६ राजस्थान कॅडरच्या अधिकारी असून त्यांनी लग्न करत असल्याची घोषणा केल्यापासून सर्वांना त्यांचे होणारे पती कोण आहेत याचं कुतुहूल होतं.
-
प्रदीप गावंडे राजस्थान केडरचे २०१३ बॅचचे आयएएस अधिकारी आहेत.
-
टीना डाबी यांनी इन्स्टाग्रामवर प्रदीप गावंडे यांच्यासोबत फोटो शेअर करत लग्न करत असल्याचा खुलासा केला होता.
-
टीना डाबी यांनी इन्स्टाग्रामला साखरपुड्याचा फोटो शेअर करताना लिहिलं होतं की, “तू दिलेलं हास्य मी परिधान करत आहे”.
-
प्रदीप गावंडे यांनीदेखील इन्स्टाग्रामला टीना डाबी यांच्यासोबतचे फोटो शेअर केले होते.
-
प्रदीप गावंडे मूळचे लातूरचे असून त्यांचा जन्म ९ डिसेंबर १९८० रोजी महाराष्ट्रात झाला आहे.
-
प्रदीप गावंडे यांच्या वडिलांचं नाव केशवराव गावंडे असून आईचं नाव सत्यभामा गावंडे आहे.
-
सध्या त्यांचं कुटुंब पुण्यात वास्तव्याला आहे.
-
उच्च-मध्यमवर्गीय कुटुंबातून असणाऱ्या प्रदीप गावंडे यांनी इंस्टाग्राम प्रोफाइलमध्ये मराठी असा उल्लेख केला आहे.
-
प्रदीप यांनी एमबीबीएसची पदवी मिळवली आणि नंतर यूपीएससी उत्तीर्ण केली.
-
प्रदीप गावंडे सध्या जयपूरमध्ये तैनात आहेत. तर टीना दाबी या देखील जयपूरमध्येच कार्यरत आहेत.
-
ते चुरू जिल्ह्याचे जिल्हाधिकारी होते.
-
सोशल मीडिया प्रोफाईलवरील माहितीनुसार, प्रदीप गावंडे हे सध्या पुरातत्व आणि वस्तुसंग्रहालय राजस्थान येथे संचालक म्हणून कार्यरत आहेत.
-
प्रदीप गावंडे हे टीना दाबी यांच्यापेक्षा तीन वर्षांनी सिनिअर आहेत. तसंच दोघांच्या वयातही जवळपास १३ वर्षांचं अंतर आहे.
-
टीना डाबी यांचं हे दुसरं लग्न असून प्रदीप गावंडे यांचे हे पहिलं ल्गन आहे.
-
टीना डाबी मूळच्या दिल्लीच्या आहेत.
-
महत्वाचं म्हणजे फक्त पतीच नाही तर टीना डाबी यांची आईदेखील मराठी आहे.
-
टीना यांची आई हिमानी दाबी महाराष्ट्रातील कांबळे कुटुंबातून आहेत.
-
त्यांचे आजोबा माधवराव कांबळे हे स्टेशन मास्तर होते.
-
टीना डाबी यांचं कुटुंब बाबासाहेब आंबेडकरांसोबत अनेक लढ्यातही सामील झालं होतं.
-
टीना डाबी यांचं हे दुसरं लग्न आहे.
-
२०१८ चे आयएएस अतहर खान यांच्यासोबत त्यांचं पहिलं लग्न झालं होतं.
-
अतहर खान २०१६ च्या युपीएससी परीक्षेत दुसऱ्या क्रमांकाचे टॉपर होते.
-
ट्रेनिंगदरम्यान टीना आणि अतहरमध्ये प्रेमसंबंध निर्माण झाले होते.
-
एका मुलाखतीत टीना यांनी पहिल्या नजरेत आपल्याला अतहरसोबत प्रेम झालं होतं अशी कबुली दिली होती.
-
धर्माच्या भिंती तोडून २०१८ मध्ये झालेल्या त्यांच्या या लग्नाची बरीच चर्चा रंगली होती.
-
अनेक हिंदू संघटनांनी या लग्नाला विरोध केला होता. काही लोकांनी याला लव्ह जिहादही म्हटलं होतं. पण टीना यांना याकडे दुर्लक्ष केलं होतं.
-
लग्नानंतर अतहर खान राजस्थानमध्ये कार्यरत होते.
-
दोन वर्षांनी २०२० मध्ये त्यांनी सहमतीने तलाक घेतला होता.
-
पण तलाक झाल्यानंतर अतहर खान यांनी जम्मू काश्मीर कॅडर घेतलं आणि आपल्या राज्यात गेले.
-
साखरपुड्याचे फोटो शेअर केल्यानंतर टीना डाबी यांनी सोशल मीडियावर ट्रोलिंगचा सामना करावा लागला होता.
-
यानंतर त्यांनी आपलं इन्स्टाग्राम अकाऊंट बंद करण्याचा निर्णय घेतला होता.
-
लग्नानंतर सोशल मीडियावर त्यांचे कोणतेही फोटो समोर आले नव्हते.
-
पण अखेर सोशल मीडियावर त्यांनी फोटो शेअर केले आहेत.
Uddhav Thackeray 2025 Astrological Predictions : ‘२०२५ पर्यंत सुवर्णकाळ…’ उद्धव ठाकरेंसाठी ज्योतिषांची मोठी भविष्यवाणी; म्हणाले, ‘शिवसेनेचे राज्य…’
