-
नाशिक जिल्ह्यातील मालेगाव तालुक्यात मोरदर शिवारात ठाकरे कुटुंबातील चिमुकल्यांनी बिबट्याच्या बछड्याला मांजरीचे पिल्लू समजून तब्बल ५ दिवस त्याच्यासोबत खेळले, त्याचा सांभाळ केला.
-
५ दिवसांनंतर हे मांजरीचे पिल्लू नसून बिबट्याचं बछडं असल्याचं लक्षात आलं. यानंतर या कुटुंबाने वनविभागाला संपर्क साधून बिबट्याच्या बछड्याला त्यांच्या ताब्यात दिलं.
-
मादीपासून दुरावलेले अडीच महिन्याचे बिबट्याचे बछडे जंगलात सैरभैर फिरत होतं. फिरत फिरत हे बछडं मानवी वसाहतीजवळ आलं. त्यावेळी कृष्णा ठाकरे यांच्या कुटुंबातील चिमुकल्यांना हे बछडं दिसलं.
-
या चिमुकल्यांनी मांजरीचे पिल्लू समजून बिबट्याच्या बछड्याला घरी आणले. तसेच बछड्याला दुध पाजून, खाऊ घालत त्याचं संगोपन व संरक्षण केलं. ५ दिवसानंतर हे बिबट्याचे बछडे असल्याचे लक्षात आले.
-
अनेक दिवस कडाक्याच्या उन्हात फिरल्याने बिबट्याच्या बछड्याला त्वचा रोग झाला. तसेच अपेक्षित अन्न पाणी न मिळाल्याने बछड्याची प्रकृती खालावली.
-
बिबट्याचे बछडे असल्याचे लक्षात येताच ठाकरे कुटुंबियांनी बछडे वन विभागाच्या ताब्यात सुपुर्द केले. त्यावेळी कुटुंबातील चिमुकल्या सदस्यांना गहीवरुन आलं.
-
काटवन परिसरातील मोरदर शिवारात जंगल आहे. या जंगलात कोल्हे, हरीण, बिबट्यांसह अन्य जंगली प्राण्यांचा वावर आहे.
-
खाकुर्डी येथील कृष्णा ठाकरे यांचे कुटुंबीय मोरदर शिवारात वास्तव्याला आहे.
-
शेताजवळ या कुटुंबातील मुलांना मांजरीच्या पिलासारखे गोंडस वेगळ्या रंगाचे बछडे दिसले.
-
त्यांनी या बछड्याला घरी आणले. हे १८ ते २० जणांचे एकत्र कुटुंब आहे. या कुटुंबातील तिर्थ, वेदांत, दक्ष, अथर्व व दोन वर्षाची तनुजा या मुलांना या बछड्याचा चांगलाच लळा लागला होता.
-
सोमवारी (९ मे) वन विभागाने या बछड्याला आणल्यानंतर पशु वैद्यकीय अधिकारी डॉ. जावेद खाटीक यांनी त्याच्या त्वचारोगावर उपचार केले.
-
बछडे वन विभागाकडे आल्यानंतर अन्न खात नव्हते. त्वचारोगासोबतच त्याच्यावर भूक न लागण्याचे औषधोपचारही करण्यात आले.
-
तीन दिवसानंतर बछड्याच्या प्रकृतीत सुधारणा झाल्यानंतर मालेगाव वन विभागाने बछड्याला नाशिक वनविभागाकडे सोपविले.
-
नाशिक येथे काही दिवस संगोपन करुन या बछड्याला नैसर्गिक अधिवासात सोडण्यात येईल, अशी माहिती मालेगाव वनाधिकारी वैभव हिरे यांनी दिली.
Sanjay Shirsat: निकालानंतर एकनाथ शिंदे शरद पवारांबरोबर जाणार? शिंदे गटाच्या नेत्याने दिले स्पष्ट संकेत..
