Photos : सांगलीमध्ये ५० फूट विहिरीत पडलेल्या रानमांजराची वन विभागाकडून सुटका

1/6

सांगलीत पाणी नसलेल्या बांधीव विहिरीत पडलेल्या रानमांजराला वाचवण्यात वन कर्मचाऱ्यांना यश आले.

2/6

मिरज-कवठे महांकाळ तालुक्याच्या सीमेवर असणाऱ्या दंडोबा डोंगरावर विहिरीत हे रानमांजर अडकले होते.

3/6

दंडोबा डोंगरावर गिर्यारोहणसाठी गेलेल्या तरुणांना विहिरीत प्राणी पडला असल्याचे दिसले. त्यांनी वन विभागाला विहिरीत कोल्हा पडल्याचे सांगितले.

4/6

वन क्षेत्रपाल युवराज पाटील, मानद वन्यजीव रक्षक अजित पाटील, सागर थोरात, पूजा राजमाने, भोला पाटील आदींनी घटनास्थळी जाऊन पाहणी केली.

5/6

पाहणी केल्यावर वनविभागाच्या कर्मचाऱ्यांना तो कोल्हा नसून रानमांजर असल्याचे लक्षात आले.

6/6

५० फूट खोलीची विहीर सिमेंट काँक्रीटने बांधलेली असल्याने दोरीच्या शिडीवरुन खाली उतरून जाळीच्या मदतीने रानमांजराला वर काढले. तपासणी करून त्याला पुन्हा मुक्त करण्यात आले.