Photos : राणे, राज ठाकरे अन् आता शिंदे… शिवसेनेच्या बंडाळीचा इतिहास

1/24

शिवसेनेचे नेते एकनाथ शिंदे यांनी विधान परिषद निवडणुकीनंतर समर्थक आमदारांसह गुजरातमधील सूरतची वाट धरत बंड पुकारल्यानंतर शिवसेनेत उभी फूट पडल्याचं स्पष्ट दिसत आहे. (फोटो : एकनाथ शिंदे/ इन्स्टाग्राम)

2/24

शिवसेनेतील ३३ आणि अपक्ष सात आमदार आपल्यासोबत असल्याचा दावा नेते एकनाथ शिंदेंनी केल्यानंतर राज्यातील महाविकास आघाडी सरकार संकटात आले आहे. (फोटो : एकनाथ शिंदे/ इन्स्टाग्राम)

3/24

गेल्या अनेक दिवसांपासून नाराज असल्यामुळे शिवसेना नेते एकनाथ शिंदे यांनी बंड पुकारल्याचं बोललं जात आहे. (फोटो : एकनाथ शिंदे/ इन्स्टाग्राम)

4/24

परंतु शिवसेनेच्या नेत्यांनी बंड पुकारल्याची ही काही पहिलीच वेळ नाही. (फोटो : एकनाथ शिंदे/ इन्स्टाग्राम)

5/24

याआधीही अनेक नेत्यांनी शिवसेनेला असा धक्का दिला आहे. (फोटो : एकनाथ शिंदे/ इन्स्टाग्राम)

6/24

१९९१ मध्ये छगन भुजबळ यांनी शिवसेनेविरुद्ध पहिल्यांदा बंड पुकारले होते. (फोटो : इंडियन एक्सप्रेस)

7/24

विधिमंडळाच्या नागपूरमधील हिवाळी अधिवेशनात भुजबळ यांनी १८ आमदारांसह बाहेर पडून काँग्रेसमध्ये प्रवेश केला.(फोटो : छगन भुजबळ/ इन्स्टाग्राम)

8/24

राष्ट्रवादी कॉंग्रेसचे अध्यक्ष शरद पवार यांनी कॉंग्रेसमधून बाहेर पडत स्वतंत्र पक्ष स्थापन केला तेव्हा छगन भुजबळही त्यांच्यासोबत बाहेर पडले.(फोटो : इंडियन एक्सप्रेस)

9/24

आता ते राष्ट्रवादीचे नेते आणि महाविकास आघाडी सरकारमधील अन्न पुरवठा मंत्री आहे. (फोटो : छगन भुजबळ/ इन्स्टाग्राम)

10/24

भुजबळांनंतर नवी मुंबईतील शिवसेनेचे नेते गणेश नाईक यांनी बंडाचे निशाण फडकविले. (फोटो : गणेश नाईक/ इन्स्टाग्राम)

11/24

गणेश नाईक हे शिवसेनाप्रमुख बाळासाहेब ठाकरे यांचे अत्यंत लाडके होते.(फोटो : गणेश नाईक/ इन्स्टाग्राम)

12/24

शिवसेना सोडल्यानंतर नाईकांनी आधी स्वतंत्र संघटना व नंतर राष्ट्रवादीत प्रवेश केला.आता ते भाजपाचे आमदार आहेत. (फोटो : गणेश नाईक/ इन्स्टाग्राम)

13/24

बाळासाहेबांनी उद्धव ठाकरे यांच्याकडे शिवसेनेची सूत्रे दिल्यानंतर नारायण राणे आणि राज ठाकरे या दोन नेत्यांची लागोपाठ बंड झाली.(फोटो : इंडियन एक्सप्रेस)

14/24

राणे यांनी शिवसेनेला उघडपणे आव्हान दिले होते.

15/24

शाखाप्रमुख ते मुख्यमंत्री असा राजकीय प्रवास करणाऱ्या नारायण राणेंनी शिवसेनेतून बाहेर पडल्यानंतर कॉंग्रेस पक्षात प्रवेश केला होता. (फोटो : इंडियन एक्सप्रेस)

16/24

२०१७ साली त्यांनी स्वाभिमान पक्षाची स्थापना केली. २०१८ मध्ये नारायण राणेंनी उघडपणे भाजपाला पाठिंबा दर्शविला. नारायण राणे आता भाजपाचे कॅबिनेट मंत्री आहेत. (फोटो : इंडियन एक्सप्रेस)

17/24

शिवसेनेची धुरा पक्षप्रमुख उद्धव ठाकरे यांच्याकडे गेल्यानंतर त्यांचे चुलत भाऊ राज ठाकरे यांनी २००५ साली शिवसेनेला रामराम ठोकत नवीन पक्षाची घोषणा केली. (फोटो : इंडियन एक्सप्रेस)

18/24

राज ठाकरे यांच्या बंडानंतर मोठ्या प्रमाणावर कार्यकर्ते पक्षातून बाहेर पडले.(फोटो : इंडियन एक्सप्रेस)

19/24

२००६ साली राज ठाकरेंनी महाराष्ट्र नवनिर्माण सेना पक्ष स्थापन केला. (फोटो : इंडियन एक्सप्रेस)

20/24

महाराष्ट्रातील विरोधी पक्ष म्हणून मनसे कार्यरत आहे. (फोटो : इंडियन एक्सप्रेस)

21/24

राज ठाकरेंनी शिवसेना सोडल्यानंतर राजसमर्थक असलेले मुलुंडमधील शिशिर शिंदेदेखील पक्षातून बाहेर पडले होते. (फोटो : इंडियन एक्सप्रेस)

22/24

एकनाथ शिंदे यांनी शिवसेनेविरूद्ध पुकारलेले बंड बाळासाहेब गेल्यानंतरचे पहिले आणि मोठे बंड मानले जात आहे. (फोटो : एकनाथ शिंदे/ इन्स्टाग्राम)

23/24

या बंडामुळे राज्यातील महाविकास आघाडी सरकारसोबतच शिवसेनाही मोठ्या संकटात सापडली आहे. (फोटो : एकनाथ शिंदे/ इन्स्टाग्राम)

24/24

त्यामुळे आता पुढे राज्यात कोणती मोठी राजकीय घडामोड होणार याकडे सगळ्यांचं लक्ष लागून राहिले आहे. (फोटो : एकनाथ शिंदे/ इन्स्टाग्राम) (हेही वाचा : दोन मुलांचा अपघाती मृत्यू आणि राजकारण सोडण्याचा निर्णय; एकनाथ शिंदेंच्या आयुष्यातील हृद्यद्रावक प्रसंग )