-
शिवसेनेच्या विरोधातील बंडात मुख्यमंत्री एकनाथ शिंदे यांना साथ देणाऱ्या बहुसंख्य आमदारांना मंत्रीपदाचे वेध लागले आहेत.
-
मंत्रीपदाच्या आशेनेच काही आमदारांनी शिंदे गटात उडी घेतली होती.
-
शिंदे यांना साथ देणाऱ्या अपक्षांच्या अपेक्षांचे ओझेही त्यांच्यावर आहे.
-
मुख्यमंत्री एकनाथ शिंदे यांना शिवसेनेतील ४० आमदारांनी पाठिंबा दिला.
-
त्यात शिवसेनेच्या सात मंत्र्यांचा समावेश होता.
-
शिंदे गटात प्रवेश करताना या मंत्र्यांनी आपल्याला पुन्हा मंत्रिपद मिळावे ही अपेक्षा व्यक्त केली होती व त्यानुसार शिंदे यांनी त्यांना आश्वासन दिल्याचे समजते.
-
एकनाथ शिंदे यांच्यासह संदीपान भुमरे, दादा भुसे, गुलाबराव पाटील, उदय सामंत, अब्दुल सत्तार आणि शंभूराज देसाई या सात माजी मंत्र्यांनी शिंदे यांना साथ दिली होती.
-
भाजपबरोबर युतीत शिंदे गटाला किती मंत्रिपदे येतात हे अद्याप तरी जाहीर झालेले नाही.
-
मुख्यमंत्री शिंदे व उपमुख्यमंत्री देवेंद्र फडणवीस यांच्यात याबाबत चर्चा झाली असावी.
-
कदाचित शिंदे व फडणवीस यांच्या नवी दिल्ली भेटीनंतर मंत्र्यांची संख्या आणि खातेवाटपावर शिक्कामोर्तब केले जाईल.
-
शिंदे गटातील बहुतांशी आमदारांना आपण मंत्री व्हावे असे वाटत असल्याने युतीत जास्तीत जास्त मंत्रिपदे मिळावीत, असा शिंदे यांचा प्रयत्न असेल.
-
पण मुख्यमंत्रीपद शिंदे यांच्याकडे असल्याने जास्तीत जास्त मंत्रिपदे घेण्यावर भाजपचा भर असेल.
-
उद्धव ठाकरे सरकारमधील नऊ जणांनी शिंदे यांना साथ दिली.
-
त्यातील सात शिवसेनेचे तर बच्चू कडू आणि राजेंद्र येड्रावकर हे अपक्ष आहेत.
-
या नऊ जणांना पुन्हा संधी दिल्यास शिंदे गटातील किती जणांना संधी मिळते हा प्रश्न आहेच.
-
शिंदे यांना पाठिंबा देणाऱ्या अपक्ष आमदारांनाही मंत्रिपदाची अपेक्षा आहे.
-
शिंदे यांच्या ठाण्यातील एक आमदार मंत्रीपदासाठी प्रयत्नशील आहे.
-
मराठवाड्यातील दोघांना मंत्रीपद मिळावे, असे वाटते.
-
रायगडमधील शिवसेनेच्या तिन्ही आमदारांनी शिंदे यांना साथ दिली.
-
भरत गोगावले हे आता मुख्य प्रतोद आहेत.
-
यामुळे गोगावले यांना संधी मिळू शकते.
-
कोकणातील उदय सामंत यांनी शिंदे यांना साथ दिली. त्यांनाही मंत्रीपद कायम राहावे ही अपेक्षा आहे.
-
दीपक केसरकर यांनी शिंदे गटाची बाजू सत्तानाट्याच्या काळात प्रभावीपणे मांडली. त्यांच्या नावाचा विचार होऊ शकतो.
-
उत्तर महाराष्ट्रातून गुलाबराव पाटील यांचे मंत्रीपद नक्की मानले जाते.
-
किती मंत्रीपदे वाट्याला येतात यावरच शिंदे गटाचे सारे गणित अवलंबून असेल.
-
मंत्रिमंडळाच्या विस्तारानंतर शिंदे गटातही नाराजीचे सूर उमटू शकतात.
-
यातूनच मंत्रिमंडळाच्या विस्तारानंतर सरकार कोसळण्याची प्रक्रिया सुरू होईल, अशी प्रतिक्रिया राष्ट्रवादी काँग्रेसचे अध्यक्ष शरद पवार यांनी व्यक्त केली होती.
-
अंतर्गत मतभेदातून हे सरकार टिकणार नाही, असे भाकीत पवार यांनी व्यक्त केले होते.
-
(सर्व फोटो सौजन्य : ट्विटर)
Uddhav Thackeray 2025 Astrological Predictions : ‘२०२५ पर्यंत सुवर्णकाळ…’ उद्धव ठाकरेंसाठी ज्योतिषांची मोठी भविष्यवाणी; म्हणाले, ‘शिवसेनेचे राज्य…’
