-
पुणे शहरातील रस्त्यांवरील खड्ड्यांच्या समस्येवरून आज मनेसच्या वतीने अनोखे आंदोलन करण्यात आले.(सर्व फोटो – सागर कासार)
-
पुणे शहरात मागील काही दिवसापासून सतत पाऊस पडत आहे.
-
यामुळे शहरातील रस्त्यावर अनेक ठिकाणी खड्डे पडले आहेत.
-
परिणामी वाहन चालकांना वाहतूक कोंडीला सामोरे जावे लागत आहे.
-
या पार्श्वभूमीवर आज शहरातील विविध ठिकाणी मनसेच्या वतीने आंदोलन करण्यात आले.
-
कोथरूड विभागाच्या वतीने आज खड्यांच्या भोवती रांगोळी काढून पुणे महापालिका प्रशासनाचा निषेध नोंदवण्यात आला.
-
मनसे पदाधिकाऱ्यांनी खड्ड्यांमध्ये साचलेल्या पाण्यात मनपा असं लिहिलेल्या कागदी होड्या सोडून निषेध नोंदवला.
-
लवकरात लवकर जर खड्डे बुजवले नाही, तर तीव्र आंदोलन छेडले जाईल असा इशारा देखील मनसे कोथरूड विभाग अध्यक्ष सुधीर धावडे यांनी दिला आहे.
-
आंदोलनात विभाग सचिव राजेंद्र वेडे पाटील, शहर संघटक शैलेश जोशी, उपविभाग अध्यक्ष रमेश उभे आदी उपस्थित होते.
-
तसेच, सचिन विप्र, गणेश शिंदे, पांडुरंग सुतार, शाखा अध्यक्ष विराज डाकवे,किरण उभे, शुभम गुजर, किरण जोशी, ज्ञानेश्वर काकडे यावेळी उपस्थित होते.
-
खड्ड्यांभोवती रांगोळी काढून आणि खड्ड्यांमध्ये कागदी होड्या सोडून आंदोलन करण्यात आले.
-
यावेळी महापालिका प्रशासनाच्या विरोधात जोरदार घोषणाबाजी करण्यात आली. यावेळी शहाराध्यक्ष साईनाथ बाबर यांची उपस्थिती होती.
-
महापालिका प्रशासनाने तातडीने रस्ते दुरुस्त केले नाहीत तर तीव्र आंदोलन करण्याचा इशारा यावेळी देण्यात आला.
-
खड्ड्यांमुळे शहरातील रस्त्यांची अक्षरशा चाळण झाली आहे.
-
काही ठिकाणी तर प्रचंड मोठे खड्डे आहेत. जे वाहनधारकांसाठी धोकादायक आहेत.
-
मनसेच्या आंदोलनात महिला पदाधिकाऱ्यांचा देखील समावेश होता
-
मनसेच्या या अनोख्या आंदोलनाने पुणेकरांचे लक्ष वेधून घेतल्याचे दिसून आले.
हाडं मोडली, ओठ चिरला अन्…; बॉलीवूड अभिनेत्रीचा भीषण अपघात, फोटो पाहून चाहते काळजीत
