-
१७ बँकांच्या समुहाची ३४ हजार ६१५ कोटी रुपयांच्या फसवणूकप्रकरणी केंद्रीय अन्वेषण विभागाने (सीबीआय) मुंबईसह अन्य शहरांत नुकतेच छापे टाकून साडेबारा कोटी रुपये किमतीच्या वस्तू जप्त केल्या.
-
यामध्ये महागडी घड्याळे, चित्रे, सोने आणि हिऱ्याच्या दागिन्यांचा समावेश आहे.
-
सीबीआयने या ३४ हजार ६१५ कोटी रुपयांच्या घोटाळा प्रकरणी आतापर्यंत १० पेक्षा अधिक व्यक्तींविरोधात गुन्हा दाखल केला असून तिघांना अटक केली आहे.
-
सीबीआयने जप्त केलेल्या महागड्या वस्तूंमध्ये एफ. एन. रझा आणि एफ. एन. सौझा यांनी रेखाटलेल्या दुर्मीळ चित्रांचा समावेश आहे.
-
छापेमारी करुन सीबीआयने स्वत:च्या ताब्यात घेतलेल्या या चित्रांची किंमत साडेपाच कोटी रुपये आहे.
-
तसेच या छापेमारीमध्ये प्रसिद्ध कंपन्यांची पाच कोटी रुपये किमतीची दोन घड्याळेही सीबीआयने जप्त केली आहेत. यातील काही वस्तू मुंबईतून जप्त करण्यात आल्याचे सूत्रांनी सांगितले.
-
दोन कोटी रुपये किमतीच्या बांगड्या आणि सोने, हिऱ्याच्या दागिन्यांचाही समावेश सीबीआयने जप्त केलेल्या गोष्टींमध्ये आहे. गैरव्यवहारातील रकमेचा वापर करून आरोपींनी महागड्या वस्तूंची खरेदी केल्याचा सीबीआयला संशय आहे.
-
युनियन बँक ऑफ इंडियाचे उपमहाव्यवस्थापक विपिन कुमार शुक्ला यांच्या तक्रारीनुसार युनियन बँक ऑफ इंडियाच्या अध्यक्षतेखालील १७ बँक समूहाची आर्थिक फसवणूकप्रकरणी गुन्हा दाखल केला होता.
-
आरोपींनी संगनमत करून १७ बँक समूहांकडून ४२ हजार ८७१ कोटी रुपयांचे कर्ज घेतले. या कर्जाची काही रक्कम इतरत्र वळवण्यात आली.
“अगं आई ना तू?”, रील करताना मध्येच आला म्हणून पोटच्या मुलाला अक्षरश: उचलून फेकलं; काळीज पिळवटून टाकणारा VIDEO व्हायरल
