-
ईडीने रविवारी (३१ जुलै) सकाळी साडेसात वाजता शिवसेना खासदार संजय राऊत व त्यांचं बंधू सुनिल राऊत यांच्या घरावर छापे टाकले.
-
त्यानंतर सायंकाळी ताब्यात घेतलं आणि मध्यरात्री पावणे एक वाजता अटक केल्याचं दाखवलं. आता सेशन कोर्टाने राऊतांना ४ ऑगस्टपर्यंत ईडीची कोठडी सुनावली.
-
त्यानंतर त्यांचं लहान बंधू सुनिल राऊत यांनी मधल्या काळात नेमकं काय झालं याबाबत माहिती दिली आहे. ते सोमवारी (१ ऑगस्ट) न्यायालयाच्या निकालानंतर माध्यमांशी बोलत होते.
-
सुनिल राऊत म्हणाले, “रविवारी सकाळी साडेसात वाजता माझ्या आणि संजय राऊत यांच्या घरी ईडीचे २०-२२ अधिकारी आले होते.”
-
“त्यानंतर ते साडेचार-पाच वाजेपर्यंत त्यांनी घराची छाननी केली आणि काही कागदपत्रे घेतली.”
-
“ते ५ वाजता आम्हाला ईडीच्या कार्यालयाकडे घेऊन आले.”
-
“साडेपाच-सहा वाजता आम्ही ईडी कार्यालयात पोहचलो.”
-
“रात्री १२.४० मिनिटांनी ईडीने अटक केले असं सांगितलं,” अशी माहिती राऊत यांनी दिली.
-
“आज (१ ऑगस्ट) सकाळपासून आम्ही न्यायालयात त्यांची वाट पाहत होतो.”
-
सुनिल राऊत पुढे म्हणाले, “साडेबारा-पावणे एक वाजता त्यांना जे. जे. रुग्णालयात घेऊन गेले. तेथे त्यांना सेशन कोर्टात आणण्यात आले.”
-
“न्यायव्यवस्थेवर आमचा विश्वास आहे. ईडीने त्यांच्याकडे आठ दिवसांची कोठडी मागितली. मात्र, न्यायालयाने केवळ तीन दिवसांची कोठडी दिली.”
-
“४ ऑगस्टला त्यांना परत न्यायालयासमोर हजर करतील,” असं सुनिल राऊत यांनी सांगितलं.
-
“मला विश्वास आहे संजय राऊत यांनी कुठलाही भ्रष्टाचार केलेला नाही. त्यांना केवळ भाजपाविरोधात बोलल्याची शिक्षा दिली जात आहे,” असा आरोप यावेळी सुनिल राऊत यांनी केला.
-
दरम्यान, राऊतांवरील ईडी कारवाईविरोधात राज्यभरात शिवसैनिक रस्त्यावर उतरले आहेत.
-
शिवसैनिकांकडून ईडीची कारवाई राजकीय सुडापोटी झाल्याचा आरोप होत आहे. (सर्व छायाचित्र सौजन्य : दीपक जोशी, नरेंद्र वासकर, पवन खेंगरे, एक्स्प्रेस फोटो)
नालासोपाऱ्यातील कथित पैसेवाटपप्रकरणी निवडणूक आयोग अ‍ॅक्शन मोडवर, मोठ्या कारवाईची शक्यता; निवडणूक अधिकारी म्हणाले…
