-
राज्य विधीमंडळाचे पावसाळी अधिवेशन चांगलेच वादळी ठरले.
-
या अधिवेशनात सत्ताधारी आणि विरोधक यांच्यात खडाजंगी पाहायला मिळाली.
-
आज कायदा व सुव्यवस्थेच्या मुद्द्यावरदेखील दोन्ही बाजूंनी आरोप प्रत्यारोप झाले.
-
उपमुख्यमंत्री अजित पवार यांनी राज्यातील कायदा व सुव्यवस्थेवर प्रश्नचिन्ह उपस्थित करत गुन्ह्यांचे प्रमाण वाढले असून ही बाब गंभीर असल्याचे नमूद केले.
-
त्यानंतर मुख्यमंत्री एकनाथ शिंदे यांनी राज्यात आतापर्यंत कोणत्या गुन्हे प्रकारात किती गुन्हे दाखल झाले, याची माहिती दिली.
-
तसेच इतर माहिती देत कायदा व सुव्यस्था अबाधित ठेवण्यासाठी राज्य सरकार कटीबद्ध असेल, अशी ग्वाही दिली.
-
दरम्यान, राज्यात सुरू असलेल्या डान्स बारच्या मुद्द्यावर बोलताना एकनाथ शिंदे यांनी राष्ट्रवादीचे नेते जितेंद्र आव्हाड यांचे नाव घेत चांगलीच टोलेबाजी केली.
-
राज्यात सध्या कोठेही डान्स बार सुरू नाहीत. जे व्हिडीओ समोर आले होते, ते जुने आहेत, असे शिंदे म्हणाले.
-
-
“ठाण्यातील डान्स बार बंद आहेत. जितेंद्र आव्हाड यांना माहिती आहे. ते तिकडे..” असे म्हणताच सभागृहात हशा पिकला.
-
तसेच “मी तुमच्याबद्दल (जितेंद्र आव्हाड) वाईट बोलत नाहीये. तुम्ही बघायला जाता, असं मी सांगत नाहीये,” अशी मिश्किल टिप्प्णी एकनाथ शिंदे यांनी जितेंद्र आव्हाड यांना उद्देशून केली.
-
विशेष म्हणजे शिंदे यांच्या या कोपरखळीनंत विरोधकांमध्येही खसखस पिकली.
-
जितेंद्र आव्हाड यांनादेखील हसू आवरले नाही. त्यांनी एकनाथ शिंदेंना हात जोडले.
-
पुढे बोलताना, “आपल्याकडे डान्स बार पूर्वी सुरू होते. आता बंद आहेत, असं मी म्हणत होतो,” असे स्पष्टीकरण एकनाथ शिंदे यांनी दिले.
हेल्दी समजून खूप आवडीने ज्यूस पिता? फॅक्टरीमधला “हा” VIDEO पाहून पायाखालची जमीन सरकेल
