-
सोलापूरमधील प्रसिद्ध उद्योजक अभिजीत पाटील यांच्या विविध कारखान्यांवर आयकर विभागाने गुरुवारी (२५ ऑगस्ट) सकाळी साडेसहा वाजता धाड टाकली.
-
त्यानंतर आता ३४ तास होऊनही त्यांच्या कारखान्यांची चौकशी सुरूच आहे.
-
अभिजीत पाटील यांनी २० वर्षांपासून बंद असलेला सांगोल्याचा साखर कारखाना चालवण्यासाठी घेतल्यानंतर त्यांच्या नावाची जोरदार चर्चा झाली.
-
याशिवाय पंढरपूर तालुक्यातील विठ्ठल सहकारी साखर कारखान्याच्या निवडणुकीत सत्ताधारी राष्ट्रवादीच्या भालके गटाला धक्का देत २१ पैकी २० जागा जिंकल्यानंतर ते खऱ्या अर्थाने प्रकाशझोतात आले.
-
मात्र, आता याच अभिजीत पाटलांवर आयकर विभागाने छापे टाकल्यानंतर पुन्हा एकदा त्यांचं नाव चर्चेत आलं आहे.
-
विशेष म्हणजे याआधी तुकाराम मुंढेंनी अभिजीत पाटलांच्या वाळू तस्करीवर धडक कारवाई केली होती.
-
तुकाराम मुंढेंनी केलेल्या कारवाईनंतर अभिजीत पाटील यांना तीन महिने तुरुंगवासही झाला.
-
तुरुंगातून बाहेर आल्यानंतर अभिजीत पाटील यांनी आपल्या व्यवसायाचा मार्ग बदलला आणि ते साखर कारखानदारीत आले.
-
सध्या अभिजीत पाटलांकडे धाराशीव साखर कारखाना, चोरखडी (उस्मानाबाद), धाराशीव साखर कारखाना युनिट २ (लोहा, नांदेड), वसंतदादा साखर कारखाना विठेवाडी, चांदवड, नाशिक आणि सांगोला शेतकरी सहकारी साखर कारखाना (पंढरपूर, सोलापूर) या चार कारखान्यांची मालकी आहे. शिवाय विठ्ठल सहकारी साखर कारखान्यावर त्यांचं नियंत्रण आहे.
-
यानंतर आता आयकर विभागाने धाडी टाकल्यानंतर अभिजीत पाटील पुन्हा तुरुंगात जाणार की यातून सुटणार याबाबत अनेत तर्कवितर्क लावले जात आहेत.
मकर संक्रातीपासून ‘या’ ५ राशींच्या नशीबाचे टाळे उघडणार! चांगले दिवस सुरू होणार, सूर्याच्या कृपेने भाग्य चमकणार
