-
उत्तर कॅलिफोर्नियातील जंगलांना भीषण आग लागली आहे. वाऱ्याच्या वेगाने ही आग आणखी पसरत चालली आहे.
-
या आगीमुळे काही जण जखमी झाले आहेत. परिसरातील जवळपास हजारो लोकांना सुरक्षितस्थळी स्थलांतरीत होण्याचे आदेश प्रशासनाकडून देण्यात आले आहेत.
-
या आगीच्या विळख्यात परिसरातील काही घरे, गाड्या देखील सापडल्या आहेत. यामुळे स्थानिकांचे अतोनात नुकसान झाले आहे.
-
शुक्रवारी दुपारपासून या जंगलांमध्ये ही आग धुमसत आहे. यामुळे परिसरात धुराचे साम्राज्य निर्माण झाले आहे. ठिकठिकाणी राखीचा ढिगाराही बघायला मिळत आहे.
-
ही आग १०.३ चौरस किलोमीटर परिसरात पसरली आहे. कोरडे गवत आणि लाकडांमुळे ही आग वेगाने पसरत आहे.
-
वीड परिसरातील जवळपास सात हजार ५०० लोकांना घरे खाली करण्याचे आदेश प्रशासनाकडून देण्यात आले आहेत. हेलिकॉप्टरच्या मदतीने ही आग विझवण्याचे प्रयत्न करण्यात येत आहे.
-
हजारो जणांना या आगीमुळे रात्री भारनियमनाचा सामना करावा लागला. जंगलाला लागलेल्या आगीमुळेच वीज पुरवठा खंडित झाल्याचे ‘पॅसिफिक कोर्प’ या वीज कंपनीने म्हटले आहे.
-
जंगलांना आग लागताच लगतच्या परिसरातील वीज पुरवठा खंडित झाला होता. याचा फटका जवळपास ९ हजार ग्राहकांना बसला आहे.
-
गेल्या काही दिवसातील कॅलिफोर्नियामधील ही सर्वात मोठी तिसरी आग आहे. दुष्काळाचे चटके सहन केल्यानंतर या परिसरातील नागरिकांना आता वणव्याचा सामना करावा लागत आहे.
-
या आगीत गाड्यांचे अतोनात नुकसान झाले आहे.
-
या आगीमुळे परिसरात उष्णतेची लाट आली आहे. काही परिसरांमध्ये उष्णता १०० डीग्रीपेक्षाही जास्त वाढेल, असा अंदाज व्यक्त करण्यात येत आहे.
-
(फोटो सौजन्य- रॉयटर्स)
Jalgaon Train Accident : जळगावमध्ये मोठा अपघात! आग लागल्याच्या भीतीने प्रवाशांच्या ट्रेनमधून उड्या, समोरून येणाऱ्या रेल्वेने उडवलं
