-
अमरावतीत खासदार नवनीत राणा आणि अमरावती पोलिसांमध्ये शाब्दिक बाचाबाची झाल्याचं बुधवारी (७ सप्टेंबर) पाहायला मिळालं.
-
नवनीत राणा यांनी राजापेठ पोलिस स्टेशनचे ठाणेदार मनीष ठाकरे यांच्यावर त्यांचा फोन रेकॉर्ड केल्याचा गंभीर आरोप केला.
-
तसेच तुम्हाला तुम्हाला फोन रेकॉर्ड करण्याची परवानगी कोणी दिली असा सवाल करत हुज्जत घातली.
-
खासदार नवनीत राणा यांनी आपला फोन कॉल रेकॉर्डिंग केल्याबाबत पोलीस उपायुक्त विक्रम साळी यांना जाब विचारला.
-
अमरावतीमध्ये मंगळवारी (६ सप्टेंबर) पालकांनी त्यांच्या एका १९ वर्षीय युवतींच्या अपहरण केल्याचा आरोप केला होता.
-
या प्रकरणामध्ये सोहेल शहा नावाच्या युवकाला पोलिसांनी चौकशीसाठी पोलीस ठाण्यात आणले आहे.
-
या प्रकरणाची चौकशी करण्यासाठी व माहिती घेण्यासाठी अमरावती जिल्ह्याच्या खासदार नवनीत राणा यांनी राजापेठ पोलीस ठाण्याचे पोलीस निरीक्षक मनीष ठाकरे यांना कॉल केला.
-
यावेळी आरोपीला कडक पद्धतीने विचारा असं बोलले असता मनीष ठाकरेंनी माझा कॉल रेकॉर्ड केल्याचा आरोप नवनीत राणा यांनी केला.
-
याच मुद्द्यावर नवनीत राणा यांनी राजापेठ पोलीस ठाण्यात पोलीस निरीक्षक मनीष ठाकरे व पोलीस उपायुक्त विक्रम साळी यांच्याशी वाद केला.
-
“मी मागासवर्गीय असल्याने माझा कॉल रेकॉर्ड केला,” असा आरोप करत राणांनी ठाणेदार मनीष ठाकरे यांचा फोन हिसकावून घेतला.
-
त्यावेळी पोलीस व नवनीत राणा यांच्यामध्ये वाद होऊन तणावपूर्ण वातावरण तयार झालं.
-
या वादात राणांनी ‘डीसीपी साहेब तुम्ही मला शिकवू नका’ असं वक्तव्य केलं.
-
“सगळ्यांचे फोन रेकॉर्ड करण्याची तुम्हाला परवानगी आहे का?” असा सवाल नवनीत राणा यांनी विचारला.
-
राणा पोलिसांना म्हणाल्या, “आम्ही पोलीस स्टेशनमधून बाहेर जाणार नाही, पोलीस आयुक्तांना बोलवा.”
-
“तुमची किती ताकद आहे? मला पोलीस स्टेशनमधून हलवून दाखवा,” असं आव्हान राणांनी पोलिसांना दिलं.
-
“तुम्ही फोन रेकॉर्ड करू शकता का?” असा प्रश्न नवनीत राणांनी विचारला.
-
तुम्हाला सरकारने आमचे रेकॉर्ड करण्याचे आदेश दिले आहेत का? असाही सवाल राणांनी केला.
-
गेल्या १० दिवसातील ही पाचवी घटना असल्याचा आणि पोलीस तातडीने कारवाई करत नसल्याचा आरोप नवनीत राणांनी केला.
-
दरम्यान नवनीत राणा यांनी पीडित मुलीच्या आईला आपल्यासोबत घरी नेले.
-
तसेच दोन तासांमध्ये मुलीला आणावे असा पोलिसांना अल्टीमेटम दिला.
-
नवनीत राणा आणि अमरावती पोलिसांमधील वाद (सर्व फोटो सौजन्य – आरएनओ)
४ मार्च राशिभविष्य: सूर्याचा पूर्वा भाद्रपद नक्षत्रात प्रवेश ‘या’ राशींचे पालटणार नशीब; धनलाभासह आयुष्य बदलण्याची मिळेल संधी
