पोलीस-कार्यकर्ते आमनेसामने, आंदोलक आक्रमक; संघ मुख्यालयावरील मोर्चामुळे नागपुरात तणाव

1/17

नागपूर : भारत मुक्ती मोर्चातर्फे आज (६ ऑक्टोबर) नागपूरमधील राष्ट्रीय स्वयंसेवक संघ (आरएसएस) मुख्यालयावर मोर्चा काढण्यात आला.

2/17

यावेळी भारत मुक्ती मोर्चाचे कार्यकर्ते मोठ्या संख्येने उपस्थित होते.

3/17

संघाची विचारधारा भारतीय संविधानाला धरून नाही, असे म्हणत या कार्यकर्त्यांनी संघ मुख्यालयाला घेराव घालण्याचा प्रयत्न केला.

4/17

दरम्यान, या मोर्चाला प्रशासनाची परवानगी नसल्यामुळे पोलिसांनी कार्यकर्त्यांना रस्त्यातच रोखलं.

5/17

पोलिसांकडून काही कार्यकर्त्यांना ताब्यात घेण्यात आले.

6/17

राष्ट्रीय स्वयंसेवक संघाच्या मुख्यालयाला घेराव घालण्याचा प्रयत्न करणाऱ्या भारतीय मुक्ती मोर्चाचे अध्यक्ष वामन मेश्राम यांच्यासह ५० ते ६० कार्यकर्त्यांना पोलिसांनी ताब्यात घेतले.

7/17

यावेळी इंदोरा चौकात शेकडो कार्यकर्ते जमा झाले होते.

8/17

या आंदोलनकर्त्यांना रोखण्यासाठी पोलिसांचा मोठा बंदोबस्त ठेवण्यात आला आहे.

9/17

येथे काही काळासाठी बेझनबाग-इंदोरा परिसरात तणाव निर्माण होता. पोलिसांनी कार्यर्त्यांना तब्यात घेताना सौम्य बळाचा वापर केला.

10/17

परिणामी कार्यकर्त्यांमध्येही रोष पाहायला मिळाला.

11/17

संघ मुख्यालयावर मोर्चा काढण्याचा ईशारा भारतीय मुक्ती मोर्चाचे अध्यक्ष वामन मेश्राम यांनी दिला होता.

12/17

या मोर्चाला पोलिसांनी परवानगी नाकारली होती. उच्च न्यायालयानेदेखील मोर्चा काढण्यास मनाई केली होती.

13/17

उत्तर नागपुरातील बेझनबाग मैदान येथून आज हा मोर्चा निघणार होता.

14/17

मात्र न्यायालयाने परवानगी नाकारल्याने मोर्चासाठी जमलेल्यांवर कारवाई करण्यात आली. यावेळी वामन मेश्राम आणि काही कार्यकर्त्यांना पोलिसांनी ताब्यात घेतले.

15/17

दरम्यान कायदा सुव्यवस्था अबाधित ठेवण्यासाठी इंदोरा व बेझनबाग येथे १४४ कलमांतर्गत जमावबंदीचे आदेश लागू करण्यात आले आहेत.

16/17

पोलिसांनी काही कार्यकर्त्यांना ताब्यात घेण्यात आले असून शहरात वाढीव पोलीस बंदोबस्त लावण्यात आला आहे.

17/17

पोलीस आयुक्त अमितेश कुमार, सहआयुक्त अश्वती दोर्जे यांच्यासह सर्वच वरिष्ठ पोलीस अधिकारी यावर लक्ष ठेवून आहेत. सध्या परिस्थिती नियंत्रणात आहे. (सर्व छायाचित्र : धनंजय खेडकर)