Photos : ‘भारत जोडो यात्रे’त गौरी लंकेश यांच्या आई आणि बहिणीचा सहभाग

1/9

तामिळनाडून सुरुवात झालेली काँग्रेसची ‘भारत जोडो यात्रा’ कर्नाटकात पोहचली आहे.

2/9

काँग्रेस नेते राहुल गांधी यांच्या नेतृत्वाखाली सुरु झालेल्या यात्रेला मोठा प्रतिसाद मिळत आहे.

3/9

तामिळनाडू, केरळ आणि आता कर्नाटकात पोहचलेल्या ‘भारत जोडो यात्रे’ला एक महिन्याचा कालावधी पूर्ण झाला आहे.

4/9

त्यात शुक्रवारी कर्नाटकात हत्या झालेल्या पत्रकार गौरी लंकेश यांची आई आणि बहीण काँग्रेसच्या ‘भारत जोडो यात्रे’त सहभागी झाल्या.

5/9

गौरी लंकेश यांची आई इंदिरा लंकेश आणि बहीण कविता लंकेश यांनी कर्नाटकमधील मांडय़ा जिल्ह्यात राहुल गांधी यांची भेट घेतली. त्यानंतर काही अंतरापर्यंत त्या यात्रेत चालल्या.

6/9

राहुल गांधी यांनी इंदिरा लंकेश यांना अलिंगन देऊन त्यांचे यात्रेत स्वागत केले. पदयात्रेदरम्यान ते इंदिरा यांचा हात पकडून चालत होते. गौरी लंकेश या कर्नाटकमधील होत्या.

7/9

दरम्यान, काँग्रेसच्या हंगामी अध्यक्षा सोनिया गांधीही गुरुवारी ‘भारत जोडो यात्रे’त सहभागी झाल्या होत्या.

8/9

कर्नाटकमधील बेल्लाळेपासून सुरु झालेल्या यात्रेत सोनिया गांधी सामील झाल्या. सोनिया गांधींनी एक किलोमीटर पायी प्रवास केला. त्यानंतर राहुल गांधींनी त्यांना उर्वरित प्रवास कारमधून करण्यात विनंती केली.

9/9

काही वेळ गेल्यावर जक्कनहल्ली ते चौदेनहल्ली या एक किलोमीटर प्रवासात सोनिया गांधींनी पुन्हा सहभाग नोंदवला. त्यानंतर सोनिया गांधी दिल्लीला रवाना झाल्या. ( सर्व फोटो – काँग्रेस ट्विटर / पीटीआय )