Photos : मी १०३ दिवस जेलमध्ये राहिलोय, १०३ आमदार निवडून येतील; संजय राऊतांचा एल्गार

1/9

पत्राचाळ पुनर्विकास घोटाळ्याप्रकरणी गेल्या तीन महिन्यांहून अधिक काळ कारागृहात असलेले शिवसेना नेते, खासदार संजय राऊत यांना विशेष न्यायालयाने बुधवारी जामीन मंजूर केला.

2/9

हे प्रकरण आर्थिक गैरव्यवहाराऐवजी केवळ दिवाणी वादाचे असताना संजय राऊत आणि प्रवीण राऊत यांना विनाकारण अटक करण्यात आली. ही अटक बेकायदा असल्याचे विशेष न्यायालयाचे न्यायाधीश एम. जी. देशपांडे यांनी नमूद केलं.

3/9

तर, देशातील राजकारणात सर्वात मोठी चूक म्हणजे ती संजय राऊतांना केलेली अटक. मला कितीवेळाही अटक करा, पण मी शिवसेनेला त्यागणार नाही.

4/9

मी भगवा घेऊनच जन्माला आलोय, या भगव्याबरोबरच जाईन, असे वक्तव्य संजय राऊतांनी तुरुंगातून बाहेर आल्यानंतर भांडूप येथील निवासस्थानाबाहेर बोलताना केलं.

5/9

गेल्या तीन-चार महिन्यांमध्ये शिवसेना नष्ट करण्याचा प्रयत्न झाला. मात्र, बाळासाहेबांची शिवसेना अभेद्य राहिली. अंधेरी पोटनिवडणुकीत विजयाने शिवसेनेची मशाल भडकली आहे.

6/9

या महाराष्ट्रात आता एक शिवसेना राहील, ती म्हणजे उद्धव बाळासाहेब ठाकरे यांची.

7/9

तुरुंगात असताना पक्षाचाच विचार करत होतो. माझं आयुष्य हे पक्षासाठीच आहे.

8/9

मला चिरडणं अथवा संपण सोप्प नाही. हे बाळासाहेब ठाकरेंनी निर्माण केलेलं रसायन आहे.

9/9

मी १०३ दिवस तुरगांत राहिलो, आता आपले १०३ आमदार निवडणून येतील, असा निर्धार संजय राऊत यांनी केला. किशोरी पेडणेकर, सुषमा अंधारे यांच्यासारख्या शिवसेनेच्या नेत्यांना त्रास दिला जात असल्याचंही संजय राऊत यांनी सांगितलं. ( छायाचित्र सौजन्य – अमित चक्रवर्ती, नरेंद्र वास्कर, गणेश शिरसेकर )