Photos : दिल्लीत श्रद्धाच्या मृतदेहाचे ३५ तुकडे, देहरादूनमध्ये अनुपमाचे ७२ तुकडे; दोन्ही प्रकरणांमध्ये नेमकं काय साम्य?

1/21

देशाची राजधानी दिल्लीत महाराष्ट्रातील वसईच्या श्रद्धा वालकरचा तिच्या प्रियकराने खून केला आणि आपला गुन्हा लपवण्यासाठी श्रद्धाच्या शरीराचे ३५ तुकडे करून जंगलात फेकत मृतदेहाची विल्हेवाट लावली.

2/21

तब्बल सहा महिन्यांनंतर हे प्रकरण उघडकीस आलं आणि यानंतर देशभरात एकच खळबळ उडाली.

3/21

सगळीकडे या प्रकरणाची चर्चा सुरू असतानाच आणखी एक असंच प्रकरणही चर्चेत आहे.

4/21

या प्रकरणात अनुपमा गुलाटी या महिलेच्या पतीने तिची हत्या करून तब्बल ७२ तुकडे केले होते.

5/21

या निमित्ताने अनुपमा गुलाटी हत्या प्रकरण काय होतं? त्या प्रकरणात नेमकं काय घडलं? श्रद्धा वालकर आणि अनुपमा गुलाटी प्रकरणात काय साम्य आहे? या सर्व गोष्टींचा हा आढावा.

6/21

उत्तराखंडची राजधानी देहरादूनमध्ये २०१० मध्ये ३७ वर्षीय राजेश गुलाटी नावाच्या सॉफ्टवेअर इंजिनिअरने पत्नी अनुपमा गुलाटीचा उशीने तोंड दाबून खून केला.

7/21

त्यानंतर इलेक्ट्रिक कटरने मृतदेहाचे ७२ तुकडे करून वेगवेगळ्या प्लास्टिक पिशव्यांमध्ये भरले आणि फ्रीजमध्ये ठेवले.

8/21

पुढे दोन महिने त्याने एकएक पिशवी करून देहरादूनच्या वेगवेगळ्या भागात या मृतदेहाची विल्हेवाट लावण्याचा प्रयत्न केला.

9/21

मूळच्या दिल्लीच्या अनुपमा आणि देहरादूनच्या राजेशचं प्रेम होतं. त्यांनी दोघांनी १९९९ मध्ये लग्न केलं होतं.

10/21

पुढे राजेश गुलाटीचे कोलकातामधील एका महिलेशी विवाहबाह्य संबंध आहेत असा अनुपमाला संशय होता. यावरूनच दोघांमध्ये सातत्याने भांडण होत होतं.

11/21

श्रद्धा वालकर आणि अनुपमा गुलाटी खून प्रकरणात नेमकं काय साम्य होतं याचा आढावा खालीलप्रमाणे…

12/21

दिल्लीतील श्रद्धा वालकरचा खून आणि देहरादूनमधील अनुपमा गुलाटाची खून या दोन्ही प्रकरणांच्या बऱ्याच गोष्टींमध्ये साम्य आहे.

13/21

राजेशने पत्नीच्या खूनानंतर शरीराचे तुकडे करण्यासाठी इलेक्ट्रिक कटरचा वापर केला. त्याचप्रमाणे आफताबनेही चाकूच्या सहाय्याने मृतदेहाचे तुकडे केले.

14/21

दोघांनीही मृतदेहाचे तुकडे साठवण्यासाठी फ्रीज खरेदी केले.

15/21

तसेच दोघांनीही मोठा काळ टप्प्याटप्प्याने मृतदेहाच्या तुकड्यांची विल्हेवाट लावली.

16/21

राजेशने कुटुंबाला आणि मित्रांना संशय येऊ नये म्हणून अनुपमाच्या इमेल आयडीवरून स्वतः मेल पाठवले.

17/21

दुसरीकडे आफताबने श्रद्धाच्या सोशल मीडिया अकाऊंटचा वापर करून मित्रांशी चॅटिंग केली, पोस्ट केल्या आणि श्रद्धाची खोटी उपस्थिती दाखवली.

18/21

आफताबने डेक्स्टर या अमेरिकन क्राईम शोमधून प्रेरणा घेतल्याचं म्हटलं, तर राजेशने हॉलिवूड चित्रपट पाहून पत्नीचा खून केल्याचं सांगितलं.

19/21

या प्रकरणात सप्टेंबर २०१७ मध्ये राजेशला पत्नीच्या खूनाच्या गुन्ह्यात दोषी मानून जन्मठेप झाली.

20/21

या प्रकरणात आता पुढील सुनावणी फेब्रुवारी २०२३ मध्ये होणार आहे.

21/21

सर्व फोटो सौजन्य – अनुपमा गुलाटी फेसबूक, इंडियन एक्स्प्रेस, एएनआय आणि पीटीआय (हेही वाचा – Photos : श्रद्धा हत्येप्रकरणी आफताबने कबुलीजबाब फिरवला तर? माजी DGP म्हणाल्या, “मी नेहमी सांगायचे…”)