उद्धव ठाकरे गट-वंचित बहुजन आघाडीतील युतीच्या चर्चेवर उदय सामंतांचे महत्त्वाचे विधान, म्हणाले “भविष्यात त्यांची…”

1/12

वंचित बहुजन आघाडीचे अध्यक्ष प्रकाश आंबेडकर यांनी काँग्रेस आणि उद्धव ठाकरे गटाशी युती करण्यास तयार असल्याचे, यापूर्वी म्हटलेले आहे.

2/12

तसा प्रस्तावही त्यांनी काँग्रेस आणि उद्धव ठाकरे गटाला दिलेला आहे. असे असताना आज (२० नोव्हेंबर) माजी मुख्यमंत्री उद्धव ठाकरे आणि प्रकाश आंबेडकर मुंबईत एका कार्यक्रमात एकत्र आले.

3/12

दरम्यान, राज्यात भिमशक्ती आणि शिवशक्ती एकत्र येणार का, असा प्रश्न उपस्थित केला जात आहे.

4/12

यावरच शिंदे गटातील नेते तथा मंत्री उदय सामंत यांनी प्रतिक्रिया दिली आहे. ते आज (२० नोव्हेंबर) मुंबईत पत्रकार परिषदेत बोलत होते.

5/12

तर्कवितर्क लावणे योग्य नाही. काही लोक व्यासपीठावर आले म्हणजे युती झाली आणि व्यासपीठावर एकत्र आले नाही तर युती झाली नाही असे नसते, असे उदय सामंत म्हणाले.

6/12

भविष्यात त्यांची जी भूमिका ठरेल, तेव्हाच आम्ही त्यावर बोलू, असेही उदय सामंत म्हणाले.

7/12

प्रकाश आंबेडकर यांनी काय भूमिका घ्यायची हा त्यांचा प्रश्न आहे.- उदय सामंत

8/12

ज्यांनी बाळासाहेब ठाकरे, उद्धव ठाकरे यांच्यावर टीका केली, ते आज उद्धव ठाकरेंच्या पक्षात नेते म्हणून काम करत आहेत.- उदय सामंत

9/12

राज्यपाल भगतसिंह कोश्यारी आणि भाजपाचे राष्ट्रीय प्रवक्ते शुधांशू त्रिवेदी यांनी छत्रपती शिवाजी महाराज यांच्याविषयी बोलताना वादग्रस्त वक्तव्य केले आहे.

10/12

यावरदेखील उदय सामंत यांनी त्यांची भूमिका मांडली आहे.

11/12

या संदर्भात मुख्यमंत्री एकनाथ शिंदे आणि उपमुख्यमंत्री देवेंद्र फडणीस राज्यपाल भगतसिंह कोश्यारी यांच्याशी चर्चा करतील.- उदय सामंत

12/12

आम्ही सगळेच छत्रपती शिवाजी महाराज यांना वंदन करणारी लोक आहोत. शिवाजी महाराज यांच्याबद्दल सर्वांनीच आदराने बोलले पाहिजे, अशी आमची भूमिका आहे, असे उदय सामंत म्हणाले.