-
दिल्लीतील प्रसिद्ध जामा मशिदीमध्ये मुलींनी एकट्य़ाने किंवा गटाने प्रवेश करू नये, असा सूचना फलक प्रवेशद्वाजवळ लावण्यात आला होता.
-
मशीद प्रशासनाच्या या निर्णयानंतर देशभरात वाद निर्माण झाला होता. याची दखल महिला आयोगानेही घेतली होती.
-
दरम्यान, दिल्लीचे नायब राज्यपाल वी.के. सक्सेना यांनी शाही इमाम सैय्यद अहमद बुखारी यांना विनंती केल्यानंतर हा निर्णय मागे घेण्यात आला.
-
नायब राज्यपालांनी यासंदर्भात माझ्याशी चर्चा केली असून त्यांच्या विनंतीनंतर आम्ही हा निर्णय मागे घेतला असल्याचे बुखारी यांनी सांगितले.
-
या निर्णयावरून वाद निर्माण झाल्याने शाही इमाम यांनी हा आदेश नमाज अदा करण्यासाठी येणाऱ्या मुलींसाठी नाही, असेही स्पष्ट केले होते.
-
या प्रकरणाची महिला आयोगाकडूनही दखल घेण्यात आली होती. हा निर्णय म्हणजे महिलांच्या अधिकाराचे उल्लंघन असल्याची प्रतिक्रिया दिल्ली महिला आयोगाच्या अध्यक्षा स्वाती मालीवाल यांनी दिली होती.
-
जामा मशिदीमध्ये महिलांना प्रवेशास बंदी हे अत्यंत चुकीचे आहे. पुरुषांप्रमाणेच महिलांनाही प्रार्थनेचा अधिकार आहे, मी जामा मशिदीच्या इमामांना नोटीस पाठवत आहे, असेही त्या म्हणाल्या होत्या.
-
दिल्ली महिला आयोगाच्या प्रमुख स्वाती मालवीय यांनी ट्वीट करत हा निर्णय लाजीरवाणा आणि असंवैधानिक आहे, असेही म्हटले होते.
-
शाही इमाम सैय्यद अहमद बुखारी यांच्या म्हणण्यानुसार, मशीद परिसरातील काही घटनांनंतर हा निर्णय घेण्यात आला होता.
-
जामा मशिद हे प्रार्थनास्थळ असून यासाठी नागरिकांचे स्वागत आहे. परंतु मुली एकट्य़ा येतात आणि त्यांच्या मित्रांची प्रतीक्षा करतात. ही जागा यासाठी नाही म्हणून बंदी घातली, असेही ते म्हणाले होते.
-
मशीद, मंदिर किंवा गुरुद्वारा ही ठिकाणे प्रार्थनास्थळे आहेत. यासाठी कोणतेही प्रतिबंध नाहीत. आज २०-२५ मुली आल्या होत्या. त्यांना प्रवेश देण्यात आला, असेही त्यांनी सांगितले.
-
या अगोदरही मशिदीमध्ये आलेल्या काही जणांनी चित्रिकरणाचा प्रयत्न केला होता. त्याला प्रतिबंध करण्यात आला होता. अनुचित प्रकार करणाऱ्या लोकांना प्रतिबंध करण्यात येत आहे, अशी प्रतिक्रियाही त्यांनी दिली होती.
Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”
