-
शिवसेनेच्या (ठाकरे गट) उपनेत्या सुषमा अंधारे यांनी मनसे प्रमुख राज ठाकरे यांच्यावर निशाणा साधताना उपमुख्यमंत्री देवेंद्र फडणवीसांनाही चिमटा काढला आहे.
-
“मला आमचे देवेंद्र भाऊ आवडतात”, असं म्हणत सुषमा अंधारेंनी त्यांच्या एका विधानावर निशाणा साधला.
-
तसेच मनसेला ‘मतदार नसलेली सेना’ म्हणत टोला लगावला.
-
त्या गुरुवारी (१ नोव्हेंबर) मुलुंडमधील महाप्रबोधन सभेत बोलत होत्या.
-
सुषमा अंधारे आपल्या भाषणात नेमकं काय म्हणाल्या याचा हा आढावा…
-
खरंतर मला त्या माणसावर बोलावंसं वाटत नाही – सुषमा अंधारे
-
आमचे देवेंद्र भाऊ किती छान बोलतात. मला आमचे देवेंद्र भाऊ आवडतात. कारण त्यांना माझ्यापेक्षा चांगलं सुचतं – सुषमा अंधारे
-
फडणवीस म्हणाले की, मतदार नसलेली सेना. मतदार नसलेली सेनाचा शॉर्टफॉर्म करा आणि काय होतं पाहा – सुषमा अंधारे
-
मतदारमधील ‘म’, नसलेलीमधील ‘न’ आणि सेनेमधील ‘से’ काढला की काय होतं? मी काहीच म्हणत नाही – सुषमा अंधारे
-
मी अतिशय गरीब लेकरू आहे, त्यात अजिबात पडत नाही – सुषमा अंधारे
-
आता मतदार नसलेल्या सेनेचा उमेदवार नसलेली सेना इथपर्यंत प्रवास झाला आहे – सुषमा अंधारे
-
अशी परिस्थिती होऊनही त्यांना बोलावंसं वाटतं – सुषमा अंधारे
-
आमच्याकडे तर एक असा पठ्ठ्या आहे त्याचा ‘उठ दुपारी आणि घे सुपारी’ असाच कार्यक्रम असतो – सुषमा अंधारे
-
‘उठ दुपारी, घे सुपारी’ असं करताना ते अचानक गुहेतून बाहेर येतात, अचानक सभा घेतात आणि परत गायब होतात. परत ते पुढच्या निवडणुकीलाच येतात – सुषमा अंधारे
-
दोनच मुद्दे मांडा, पण व्यवस्थित मांडा ना – सुषमा अंधारे
-
मी यालाही थोडं बोलेन, त्यालाही थोडं बोलेन, मी मध्येच विचारवंत होईन, मध्येच मिमिक्री आर्टिस्ट होईन, मी मध्येच पेंटर होईन, मध्येच आणखी काही होईन आणि मी काहीतरी बोलेन आणि लोक काहीतरी समजतील, असं यांचं सुरू असतं – सुषमा अंधारे
-
यावेळी सुषमा अंधारेंनी दोन शहाण्या वाघांची गोष्टही सांगितली.
-
तसेच शहाणा वाघ दोन वाघांच्या भांडणात कुत्र्यांचा फायदा होऊ देत नाही, असं वक्तव्य केलं. (सर्व छायाचित्र – संग्रहित/ट्विटर)
Thirsty Cheetahs Viral Video : तहानलेल्या चित्त्यांना पाणी पाजणं भोवलं! Video व्हायरल होताच वन विभागाचा चालक निलंबित
