“सात समुंदर मैं तेरे पिछे पिछे आ गयी हे गाणंही…”; अजित पवारांच्या स्वत:बद्दलच्या विधानानंतर पिकला एकच हशा

1/24

राज्याचे विरोधी पक्षनेते अजित पवार म्हणजे कडक शिस्तीचे आणि गंभीर स्वभावाचे राजकारणी म्हणून ओळखले जातात.

2/24

मात्र, शनिवारी (२४ डिसेंबर) अमरावतीत राजमाता अहिल्यादेवी फाऊंडेशनच्या वतीने आयोजित राज्यस्तरीय अहिल्यादेवी स्त्री शक्ती पुरस्कार सोहळ्यात त्याचं वेगळं रुपही अनुभवायला मिळालं.

3/24

या कार्यक्रमात अजित पवार यांनी प्रसिद्ध गायिका साधना सरगम यांचं तोंडभरून कौतुक केलं. तसेच जोरदार टोलेबाजी केली.

4/24

पवारांनी साधना सरगम यांचं कौतुक करताना केलेल्या वर्णनातून ते गाण्यांचे किती मोठे चाहते आहेत हे समोर आलं.

5/24

इतकंच नाही तर अजित पवारांनी या कार्यक्रमात चित्रपटाच्या नावासह साधना सरगम यांच्या गाण्यांची यादीच वाचून दाखवली आणि त्यांच्या दुसऱ्या स्वभावाचीही झलक दाखवली.

6/24

या कार्यक्रमात अजित पवारांनी अशी टोलेबाजी केली की साधना सरगम यांच्यासह अनेकांना हसू अनावर झालं. त्याचाच हा आढावा…

7/24

आम्ही लोकं राजकीय क्षेत्रातील आहोत. मी आणि आमदार प्रवीण पोटे वेगवेगळ्या विषयांवर बोलत होतो. तेव्हा सुप्रसिद्ध गायिका साधना सरगम यांनी एक गाणं म्हणून दाखवलं. तसेच त्यांची चित्रफितही दाखवली – अजित पवार

8/24

गाणं ऐकल्यावर प्रवीण पोटेंना कळलं की, एवढं लोकप्रिय गाणं साधना सरगम यांनी गायलं. त्यांनी मला विचारलं की, हे गाणं साधना सरगम यांनी गायलं आहे का? – अजित पवार

9/24

आम्ही नुसती गाणी ऐकतो. कोणी गायलं, काय गायलं काही घेणंदेणं नाही. कानाला चांगलं वाटलं की ऐकायचं. परंतू सगळेच तसे नसतात – अजित पवार

10/24

आपल्या सर्वांच्या आवडत्या गायिका साधना सरगम यांनी दोन दशकं बॉलिवूडवर राज्य केलं. त्यांच्या गोड, सुमधुर आवाजाने प्रेक्षकांना अक्षरशः भूरळ घातली – अजित पवार

11/24

गाणसम्राज्ञी लता मंगेशकर आणि आशा भोसले या दोघींच्या काळात बॉलिवूडवर दोन दशकं भूरळ घालण्याचं काम साधंसोपं नव्हतं – अजित पवार

12/24

कारण या दोघी बहिणींसमोर कोणालाही उभं केलं तर लोक ते मान्य करतील की नाही असं प्रत्येक संगीतकाराला वाटायचं – अजित पवार

13/24

परंतु, आमच्या महाराष्ट्राच्या निसर्गसौंदर्य असणाऱ्या रत्नागिरीत जन्माला आलेल्या आमच्या भगिनीने अशा पद्धतीने सुंदर प्रकारची गाणी गायली – अजित पवार

14/24

आजही साधना सरगम यांची गाणी पुन्हा पुन्हा कितीतरी वेळा ऐकली तरी पुन्हा ऐकावीशी वाटतात – अजित पवार

15/24

‘जो जिता वही सिकंदर’मधील ‘पहिला नशा’ हे गाणं पाहिलं, जालबाजमधील डिंपल कपाडियावर चित्रित करण्यात आलेलं ‘हर किसी को नही मिलता प्यार जिंदगी में’ गाणं अतिशय सुंदर गायलं आहे – अजित पवार

16/24

‘विश्वात्मा’मधील ‘सात समुंदर मैं तेरे पिछे पिछे आ गयी’ हे गाणंही तुम्ही पाहिलं. ‘दिवाना’मधील ‘तेरी उम्मीद, तेरा इंतजार’ गाणंही मधुर आहे – अजित पवार

18/24

तुम्हाला माझं दुसरं अंग माहिती नाही. तुम्ही माझं एकच अंग बघता आणि मला टोचत असता – अजित पवार

19/24

अजित पवार असं म्हणताच उपस्थितांमध्ये एकच हशा पिकला.

20/24

यानंतर ते म्हणाले, “गंमतीचा भाग जाऊ द्या, पण आई वडिलांच्या आयुष्यात जन्माला आल्यावर तुमचं माझं जग खूप सुंदर आहे. त्याचा कसा आनंद घ्यायचा हे प्रत्येकावर अवलंबून असतं.”

21/24

अजित पवारांनी स्वतःवरच मिश्किल टिपण्णी केल्यानंतर गायिका साधना सरगम यांच्यासह सर्वांनाच हसू अनावर झाले होते.

22/24

यावेळी काँग्रेस आमदार यशोमती ठाकूरही उपस्थित होत्या.

23/24

या कार्यक्रमात अनेक मान्यवरांचा सत्कार करण्यात आला.

24/24

अजित पवारांच्या या भाषणाची सर्वत्र जोरदार चर्चा आहे. (सर्व फोटो – सौजन्य आरएनओ)