-
हिवाळी अधिवेशनाचा अखेरचा दिवस शुक्रवारी ( ३० नोव्हेंबर ) चांगलाच गाजला. मुख्यमंत्री एकनाथ शिंदे आणि विरोधी पक्षनेते अजित पवार यांच्यात खडाजंगी झाल्याचं पाहायला मिळालं.
-
एकनाथ शिंदे यांनी विधानसभेत बोलताना महाविकास आघाडीवर टीका केली. तर, शिवसेना पक्ष प्रमुख उद्धव ठाकरेंना टोले लगावले.
-
एकनाथ शिंदेंनी शिवसेनेतील फुटीचं कारण सांगत उद्धव ठाकरेंना आत्मपरिक्षण करण्याचा सल्ला दिला. यावरून अजित पवारांनी एकनाथ शिंदेंना खडेबोल सुनावले.
-
“आम्हाला सर्वांना फुटीचं कारण माहिती आहे. आम्हाला त्याच काही देणंघेणं नाही,” असं प्रत्युत्तर अजित पवारांनी शिंदेंना दिलं.
-
“शरद पवारांनी १९७८ साली पुलोदचं सरकार स्थापन केलं होतं. हशु अडवाणी, उत्तमराव पाटील तेव्हा मंत्रिमंडळात होते.”
-
“त्यावेळी कधीही मुख्यमंत्र्यांची भाषणं राजकीय होत नव्हती. एखादं दुसरा चिमटा काढला, तर आम्ही समजू शकतो,” असं अजित पवारांनी म्हटलं.
-
“बाहेर ज्यांना सोडून आला, त्यांच्या वृत्तपत्रात काही बातम्या येणार, ते तुम्ही मनाला लावून घेणार आणि इथे सांगणार, याचं आम्हाला काय देणंघेणं,” असेही अजित पवारांनी मुख्यमंत्र्यांना सांगितलं.
-
“आपला महाराष्ट्र आहे, शाहू-फुले-आंबेडकर, छत्रपती शिवाजी महाराजाचं आपण नाव घेतो.”
-
“यशवंतराव चव्हाणांची शिकवण काय बघा, आचार्य अत्रे किती टीका करायचे माहीत आहे, या टीकेला यशवंतराव चव्हाण दिलदारपणे घ्यायचे,” असंही अजित पवार म्हणाले.
-
“मुख्यमंत्री महोदय, तुम्ही याच्यातून बाहेर या. तुम्हाला बहुमत मिळालं आहे. तुम्ही या राज्याचे मुख्यमंत्री झाला आहात.”
-
“असल्या छोट्या छोट्या गोष्टीत तुम्ही तुमचं मन जास्त रमवू नका. हे राज्यातल्या जनतेला अजिबात आवडणार नाही.”
-
“मला काम कसं मिळेल, बेरोजगारी कशी कमी होणार आहे, शेतकऱ्यांसंदर्भात काय भूमिका घेतली जाणार, याकडे त्यांचं लक्ष आहे,” असेही अजित पवारांनी सांगितलं.
Nana Patole : निकालाआधी राजकीय घडामोडींना वेग; यातच नाना पटोलेंच्या विधानाची मोठी चर्चा; म्हणाले, “मी आणि देवेंद्र फडणवीस…”
