-
शिक्षक भारतीचे आमदार कपिल पाटील यांनी काँग्रेसचे बंडखोर नेते सत्यजीत तांबे यांच्या उमेदवारीला नाशिक पदवीधर मतदारसंघात पाठिंबा दिला.
-
नाशिकमध्ये आमदार डॉ. सुधीर तांबे आणि सत्यजीत तांबेंची भेट घेत कपिल पाटलांनी आपला पाठिंबा देऊ केला.
-
तसेच पत्रकार परिषद घेत आपली भूमिका स्पष्ट केली. त्यानंतर सत्यजीत तांबेंनीही त्यांची भूमिका स्पष्ट केली. ते बुधवारी (१८ जानेवारी) बोलताना नेमकं काय म्हणाले याचा हा आढावा…
-
देशातील असं एकही राज्य नाही जिथं मी काँग्रेस पक्षाचं संघटनात्मक काम केलं नाही – सत्यजीत तांबे
-
राज्यातील एकही तालुका आणि गाव नाही, जिथं मी काँग्रेसचं संघटनात्मक काम केलं नाही – सत्यजीत तांबे
-
युवक काँग्रेसचा अध्यक्ष असताना चांद्यापासून बांद्यापर्यंत मी मित्र जमवण्याचं काम केलं – सत्यजीत तांबे
-
अनेक सामाजिक, राजकीय संस्था, संघटनांवरही मी काम करतो आहे. म्हणूनच कपिल पाटील यांच्या मनात मला पाठिंब्याचं गेल्या अनेक वर्षांपासून होतं – सत्यजीत तांबे
-
खरंतर कपिल पाटील माझ्यासाठी विधानसभा मतदारसंघ शोधत होते – सत्यजीत तांबे
-
आमची अनेकवेळा चर्चा व्हायची. ते म्हणायचे तू या मतदारसंघातून उभं राहण्याचा प्रयत्न कर, तू तिथून उभं राहण्याचा प्रयत्न कर – सत्यजीत तांबे
-
परंतू राजकारण असतं. ते किती असतं हे सर्वांनी मागील चार-पाच दिवसात टीव्हीवर पाहिलंच आहे – सत्यजीत तांबे
-
खूप राजकारण झालं आहे. आम्ही त्यावर योग्यवेळी योग्यरितीने बोलूच. सध्या मी राजकारणावर बोलणार नाही – सत्यजीत तांबे
-
मी आमदार कपिल पाटील आणि शिक्षक भारतीचे सर्व शिक्षक, पदाधिकाऱ्यांचे मनःपूर्वक आभार व्यक्त करतो – सत्यजीत तांबे
-
ज्यावेळी आमच्या संपूर्ण परिवाराला आरोपीच्या पिंजऱ्यात उभं करण्यात आलं, तेव्हा कपिल पाटलांनी आम्हाला स्वतः फोन करून पाठिंबा दिला – सत्यजीत तांबे
-
अशा काळात कपिल पाटील आणि शिक्षक भारती आमच्या मदतीला धावून आली. हे मी कदापि विसरू शकणार नाही – सत्यजीत तांबे
-
मला खात्री आहे की, मी सर्वांच्या अपेक्षा पूर्ण करेन. गेले २२ वर्षे मी संघटनेच्या माध्यमातून राज्यात आणि देशात काम करत आहे – सत्यजीत तांबे
-
मी २००० मध्ये एनएसयूआय या काँग्रेसच्या विद्यार्थी संघटनेतून कामाला सुरुवात केली – सत्यजीत तांबे
-
पुढे मी १० वर्षे जिल्हा परिषद सदस्य म्हणून काम केलं. त्यानंतर मी युवक काँग्रेसमध्ये काम केलं – सत्यजीत तांबे
-
युवक काँग्रेसचा राज्याध्यक्ष म्हणून चार वर्षे काम केलं – सत्यजीत तांबे
-
शिक्षक भारतीचे नेते आमदार कपिल पाटील यांनी माझ्या उमेदवारीला पाठिंबा दिला. त्यांचे मी आभार मानतो – सत्यजीत तांबे
-
माझी अपक्ष उमेदवारी असल्यामुळे अनेक संघटना समोर येत आहेत आणि मला पाठिंबा देत आहेत. मी त्यांचं स्वागत करत आहे – सत्यजीत तांबे
-
“बंडखोरांच्या पाठिशी उभं राहणार नाही” या नाना पटोलेंच्या वक्तव्यावर सत्यजीत तांबे म्हणाले, “मी यापूर्वीच सांगितलं आहे की, या प्रकरणावर योग्यवेळ आल्यावर आम्ही बोलू.” (सर्व छायाचित्र – संग्रहित)
कॉमेडियन कृष्णा अभिषेकची पत्नी, अभिनेत्री कश्मीरा शाहचा भीषण अपघात
