-
टर्की आणि सीरिया एकापाठोपाठ एक झालेल्या पाच भूकंपामुळे हादरले आहेत.
-
टर्कीत सोमवारी तीन मोठे भूंकप झाल्यानंतर मंगळवारी पुन्हा दोन भूकंपाचे धक्के बसले.
-
या भूकंपांमुळे मोठ्या प्रमाणात वित्त व जीवितहानी झाली असून शेकडो इमारती जमीनदोस्त झाल्या.
-
या घटनेत आत्तापर्यंत पाच हजार नागरिकांचा मृत्यू झाला असून १५ हजारांपेक्षा जास्त नागरीक जखमी झाले आहेत.
-
आतापर्यंत ११ हजारांपेक्षा जास्त जणांचा शोध घेण्यात आला असून आठ हजारांपेक्षा जास्त जणांना ढिगाऱ्यातून बाहेर काढण्यात आले.
-
याचबरोबर तीन लाखांपेक्षा जास्त भूकंपग्रस्तांना वसतिगृहे आणि विद्यापीठांमध्ये ठेवण्यात आल्याची माहिती टर्कीचे उप-राष्ट्रपती फुआत ओकते यांनी दिली.
-
दरम्यान, सोमवारी पहाटे चार वाजता टर्कीमध्ये भूकंपाचे जोरदार धक्के बसले होते.
-
या भूकंपाची तीव्रता ७.८ रिश्टर स्केल इतकी मोजण्यात आली होती.
-
युनायटेड स्टेट्स जियोलॉजिकल सर्वेने (USGS) दिलेल्या माहितीनुसार या भूकंपाचं प्रमुख केंद्र गाझियान्टेप या शहरापासून ३३ किलोमीटर अंतरावर, तर नूर्दगी शहरापासून २६ किमी अंतरावर होते.
-
तसेच हा भूकंप जमिनीपासून जवळपास १४.१ किलोमीटर खोलीवर झाला होता.
-
सोमवारी सकाळी भूकंपाचे धक्का जाणवल्यानंतर सायंकाळी ५ च्या सुमारास कहरामनमारा प्रांतातील एल्बिस्तान जिल्ह्यात दुसरा भूकंपाचा धक्का बसला. या भूकंपाची तीव्रता ७.६ रिश्टर स्केल इतकी मोजण्यात आली.
-
दोन भूकंपाचे धक्का बसल्यानंतर सोमवारी रात्री पुन्हा एकदा टर्कीत भूकंपाचा धक्का बसला.
-
या भूकंपाची तीव्रता ६.० रिश्टर स्केल इतकी मोजण्यात आली.
-
सोमवारी तीन भूकंपाचे धक्के बसल्यानंतर आज (मंगळवारी) सकाळी पुन्हा एकदा भूकंपाचा धक्का बसला.
-
या भूकंपाची तीव्रता ५.५ रिश्टर स्केल इतकी मोजण्यात आली असून अंकारा प्रांतातील गोलबासी शहरात हा भूकंप झाला आहे.
-
तर पाचवा भूकंपाची तीव्रता ५.४ रिश्टर स्केल इतकी मोजण्यात आली असून यामध्ये मोठी वित्तहानी झाली आहे.
-
दरम्यान, या संकट काळात भारताने मदतीचा हात पुढे केला आहे.
-
भारतातून राष्ट्रीय आपत्ती प्रतिसाद दलाची (एनडीआरएफ) शोध आणि बचाव पथकाची पहिली तुकडी टर्कीमध्ये पोहोचली आहे.
-
या तुकडीत एनडीआरएफच्या जवानांसोबत विशेष प्रशिक्षित श्वान पथकं आहे.
-
या बरोबरच राष्ट्रीय आपत्ती प्रतिसाद दलाच्या तुकडीमध्ये वैद्यकीय पथकही आहे. पंतप्रधान मोदी यांनीही याबद्दल दु:ख व्यक्त केलं आहे.
-
भारत टर्कीतील लोकांच्या पाठीशी उभा आहे. या संकटाला तोंड देण्यासाठी भारत सरकार सर्वतोपरी मदत करण्यास तयार आहे, असं पंतप्रधान मोदी म्हणाले.
-
विनाशकारी भूकंपाचा सीरियावरही परिणाम झाला आहे. हे जाणून खूप दुःख झालं आहे, असेही ते म्हणाले.
-
पीडितांच्या कुटुंबियांप्रती माझ्या मनापासून संवेदना, असं ट्वीट पंतप्रधान मोदी यांनी केले आहे.
-
दरम्यान, टर्कीतील मृतांचा आकडा आणखी वाढण्याची भिती व्यक्त करण्यात येत आहे.
हेल्दी समजून खूप आवडीने ज्यूस पिता? फॅक्टरीमधला “हा” VIDEO पाहून पायाखालची जमीन सरकेल
