-
उत्तर प्रदेशमधील कुख्यात गुंड अतिक अहमद आणि त्याचा भाऊ अशरफ अहमद यांची शनिवारी रात्री गोळ्या झाडून हत्या करण्यात आली.
-
दोघांनाही वैद्यकीय तपासणीसाठी घेऊन जात असताना प्रयागराज वैद्यकीय महाविद्यालयाजवळ त्यांच्यावर गोळ्या झाडण्यात आल्या. या हल्यात दोघांचाही मृत्यू झाला.
-
गुंड अतिक अहमद हा २००५ मधील बसपा आमदार राजू पाल हत्याकांड आणि फेब्रुवारीमध्ये झालेल्या उमेश पाल हत्याकांडातील प्रमुख आरोपी होता.
-
अतिक अहमदवर उत्तर प्रदेशमध्ये १०० पेक्षा जास्त गुन्ह्यांची नोंद आहे. यामध्ये खून, खंडणी अशा गंभीर गुन्ह्यांचा समावेश आहे.
-
अतिक अहमदचा जन्म १० ऑगस्ट १९६२ रोजी झाला. अतिकचे वडील फिरोज अहमद आपल्या कुटुंबासह अलाहाबादच्या चकिया परिसरात राहत होते. ते आपला उदरनिर्वाह करण्यासाठी टांगा चालवत असत.
-
अतिकला शिक्षणाची फारशी आवड नव्हती. त्याने १९७९ मध्ये वयाच्या १८ व्या वर्षी पहिला खून करत गुन्हेगारी विश्वात पाऊल ठेवले.
-
२१-२२ व्या वर्षी अतिक अलाहाबादमधील चकियाचा परिसरात मोठा गुंड बनला होता. तसेच त्याने खंडणीचा धंदा सुरू केला होता.
-
पुढे अतिक अहमद गुन्हेगारीच्या जगातून राजकारणाकडे वगळा. १९८९मध्ये अतिकने अलाहाबाद पश्चिम मतदारसंघातून अपक्ष म्हणून निवडणूक लढवली. या निवडणुकीत त्याचा विजय झाला.
-
त्यानंतर याच जागेवर त्याने सपा आणि अपना दलाच्या तिकीटांवरही निवडणूक लढवली.
-
अतिकने २००४ साली फुलपूर मतदारसंघातून लोकसभा निवडणूक लढवली. याच जागेवरून पंडित नेहरू यांनीही निवडणूक लढवली होती.
-
२००७ मध्ये त्याने समाजवादी पक्षाच्या तिकीटावर निवडणूक लढवली, मात्र, त्याचा पूजा पाल यांनी पराभव केला.
-
पुढे उमेश पाल हत्याकांडात त्याला अटक करण्यात आली. तसेच त्याला २८ मार्च रोजी दोषी ठरवण्यात आले. दरम्यान, शनिवारी त्याला वैद्यकीय तपासणीसाठी नेत असताना त्याची हत्या करण्यात आली.
“बायकोने सांगितलंय…”, पठ्ठ्याने बाइकच्या मागे लिहिलं ‘असं’ काही की, वाचून पोट धरून हसाल
