“जयंत पाटील अन् आमचा DNA एकच,” ‘त्या’ राजकीय चर्चांवर संजय राऊतांचं विधान

1/6

केंद्रीय गृहमंत्री अमित शाह दोन दिवस पुणे दौऱ्यावर होते. या दौऱ्यात राष्ट्रवादी काँग्रेसचे प्रदेशाध्यक्ष जयंत पाटील यांनी अमित शाह यांची भेट घेतल्याची चर्चा सुरु झाली.

2/6

त्यामुळे जयंत पाटील यांच्याविषयी संशयाचे वातावरण निर्माण झालं होतं. पण, आपण अमित शाह यांची भेट घेतलेली नसल्याचं जयंत पाटील यांनी स्पष्ट केलं.

3/6

आता या चर्चांवर शिवसेना ( ठाकरे गट ) खासदार संजय राऊत यांनी प्रतिक्रिया व्यक्त केली आहे.

4/6

‘इंडिया’ आघाडीची बैठक पार पडणार आहे. त्यापूर्वी जयंत पाटील यांच्याबाबत चर्चा सुरु झाल्या आहेत, असा प्रश्न विचारल्यावर संजय राऊत म्हणाले, “जयंत पाटील शनिवारी ( ५ जुलै ) ‘इंडिया’ आघाडीबद्दल झालेल्या बैठकीत उपस्थित होते. ही बैठक यशस्वी होण्यासाठी जयंत पाटील यांनी रविवारीसुद्धा ( ६ जुलै ) बैठका घेतल्या आहेत.”

5/6

“आपला नेता आणि पक्ष संकटात असताना पळून जाणाऱ्या पळपूट नेत्यांपैकी जयंत पाटील नाहीत.”

6/6

“जयंत पाटील आणि आमचा डीएनए एकसारखा आहे. आम्ही पळपूटे आणि डरपोक नाहीत,” असं संजय राऊत यांनी म्हटलं.