-
राष्ट्रवादी काँग्रेसचे अध्यक्ष शरद पवार यांनी पक्षात फुट पडलेली नाही, असं वक्तव्य केलं. यानंतर राजकीय वर्तुळात चर्चांना उधाण आलं आहे.
-
या पार्श्वभूमीवर बंडखोर अजित पवार गटातील नेते व राज्याचे कृषीमंत्री धनंजय मुंडे यांनी शरद पवारांच्या वक्तव्यावर प्रतिक्रिया दिली.
-
आमदारांची अपात्रता, हकालपट्टी आणि तुम्ही शरद पवारांची राष्ट्रीय अध्यक्ष पदावरून हकालपट्टी केल्याबाबत नेमकं सत्य काय आहे? असा प्रश्न पत्रकारांनी धनंजय मुंडेंना विचारला.
-
यावर धनंजय मुंडे शुक्रवारी (२५ ऑगस्ट) नेमकं काय म्हणाले याचा हा आढावा…
-
माध्यमांना आमदारांची अपात्रता, हकालपट्टी आणि तुम्ही शरद पवारांची राष्ट्रीय अध्यक्ष पदावरून हकालपट्टी केल्याबाबत जिथपर्यंतची माहिती आहे तिथपर्यंत ते सत्य आहे. ते काही डावलण्याला अर्थ नाही – धनंजय मुंडे
-
लोकशाहीत कुणी वेगळा विचार केला म्हणजे पक्ष फुटला नाही, असं शरद पवार म्हणत असल्याचं मी ऐकलं – धनंजय मुंडे
-
पक्षातील बहुतांश लोकांची प्रामाणिक इच्छा आहे आणि त्या इच्छेला आशीर्वाद द्यावा असं आम्ही गेली अनेक दिवस म्हणत होतो – धनंजय मुंडे
-
शरद पवारांच्या वाक्याचा अर्थ माझ्या दृष्टीने इतकाच निघतो की, तो आशीर्वाद आम्हाला पुन्हा एकदा देवाकडून मिळाला आहे. याचा अर्थ मी एवढाच काढतो – धनंजय मुंडे
-
दुष्काळाची दाहकता सर्वांना लक्षात येत आहे – धनंजय मुंडे
-
मराठवाड्याच्या दोन जिल्ह्यांमध्ये अतिवृष्टी झाली आहे आणि उर्वरित जिल्ह्यांमध्ये पाऊस नसल्याने पीकं करपून चालली आहेत – धनंजय मुंडे
-
उद्या पशुधनाच्या चाऱ्याचा प्रश्न निर्माण होणार आहे – धनंजय मुंडे
-
पिण्याच्या पाण्याची टंचाई निर्माण होणार आहे – धनंजय मुंडे
-
या सर्व बाबींवर हे सरकार अतिशय गंभीर आहे – धनंजय मुंडे
-
मी कृषीमंत्री म्हणून, अनेक जिल्ह्यांचे पालकमंत्री दुष्काळावरील या बैठकीत सहभागी होणार आहेत – धनंजय मुंडे
-
सर्व छायाचित्र – संग्रहित
VIDEO: बापरे! मगरीच्या शिकारीसाठी शार्क मासा चक्क समुद्र किनाऱ्यावर आला; अन् १० सेकंदात जे झालं ते पाहुन तुमचाही उडेल थरकाप
