-
सत्तेचा माज आलेल्यांनी बुलडोझरने शिवसेनेची शाखा पाडली. पण, खरा बुलडोझर घेऊन मुंब्र्यातील रस्त्यावर आलो आहे. आमचे बॅनर फाडल्याचे कळले. पण, निवडणुका येऊद्या तुमची मस्ती फाडतो, असा इशारा शिवसेना ( ठाकरे गट ) पक्षप्रमुख उद्धव ठाकरे यांनी शिंदे गटाला दिला होता.
-
याला मुख्यमंत्री एकनाथ शिंदे यांनी प्रत्युत्तर दिलं आहे. “झालेल्या ग्रामपंचायत निवडणुकीत जनतेनं त्यांना धडा शिकवला आहे. महायुतीचं सरकार १ नंबरला आहे.”
-
“आम्हाला धडा शिकवण्याचा भाषा करणारे मागील निवडणुकीत ५ नंबरला होते. आता ७ नंबरला आहेत. येणाऱ्या निवडणुकीत १० नंबरला जातील,” असा टोला मुख्यमंत्र्यांनी ठाकरे गटाला लगावला.
-
“मुंब्र्यात फुसके बार येऊन गेले, पण वाजलेच नाहीत. कारण, आमच्या कार्यकर्त्यांनी एवढे फटाके वाजवले की काहींना युटर्न घेऊन परत जावं लागलं,” असं म्हणत मुख्यमंत्र्यांनी उद्धव ठाकरेंना लक्ष्य केलं.
-
“बाळासाहेबांचं प्रेम ठाणे जिल्ह्यावर होतं. ठाणे जिल्हा हा धर्मवीर आनंद दिघे यांचा बालेकिल्ला आहे. त्यामुळे येथील नागरिक काम करणारे आणि घरी बसणारे बरोबर ओळखतात,” असं मुख्यमंत्र्यांनी म्हटलं.
-
“आमच्या कार्यकर्त्यांनी अतिशय शिस्तीचं दर्शन घडवलं. दिवाळीच्या सणामध्ये विघ्न आणणं कुठल्याही राजकीय नेत्याला शोभत नाही. पण, ज्यांनी सत्तेत असताना कायम सण-उत्सवांवर बंदी घातली. आम्ही आल्यावर सर्व सण उत्सवांवर बंदी उठवली. त्यामुळे काहींना पोटदुखी उठली,” अशी टीकाही मुख्यमंत्र्यांनी उद्धव ठाकरेंवर केली आहे.
एकाच मालिकेतील तिसरी अभिनेत्री झाली आई, तिघींच्याही घरी मुलींचा जन्म, पोस्ट शेअर करून दिली आनंदाची बातमी
