-
काँग्रेस नेते राहुल गांधी यांनी तीन मदत शिबिरांना भेटी देऊन, पक्षाचे खासदार आणि राज्यपाल यांची भेट घेऊन आणि पत्रकार परिषदेला संबोधित केल्यानंतर मणिपूरमधील आपला दिवसभराचा दौरा संपवला. पत्रकार परिषदेत ते म्हणाले की “मणिपूरमध्ये जे घडतंय ते देशामध्ये इतर कोणत्याही ठिकाणी मी पाहिलं नाही. आणि त्यात काहीही सुधारणा झालेली नाही”. (एक्स्प्रेस फोटो)
-
राहुल गांधीनी मणिपूरमधील वांशिक संघर्षाबद्दल सभागृहात त्यांचे म्हणणे ठळकपणे मांडल्यानंतर विरोधी पक्षनेते म्हणून त्यांचा ईशान्येकडील राज्यांचा हा पहिलाच दौरा ठरला आहे. त्यांनी आसाममधील कचार जिल्हा आणि लखीपूर येथील पूर मदत शिबिरांना भेट दिली. तसेच मणिपूरमध्ये ते पहिल्यांदा जिरीबाम जिल्ह्यातील हिंसाचारग्रस्त विस्थापित लोकांना भेटले त्यांनी चुराचंदपूर आणि बिष्णुपूरमधील मोइरांगच्या विस्थापित नागरिकांनाही भेट दिली. संध्याकाळी त्यांनी पक्षाचे नवनिर्वाचित खासदार आणि राज्यपाल अनुसुईया उईके यांची भेट घेतली. (एक्स्प्रेस फोटो)
-
संघर्षग्रस्त मणिपूर दौऱ्यात मैतई आणि कुकी-झोमी या दोन्ही समुदायांतील विस्थापित लोकांना भेटल्यानंतर राहुल गांधी म्हणाले की “मला तुम्हाला सांगायचे आहे की मी येथे तुमचा भाऊ म्हणून आलो आहे. तुम्हाला मदत करू इच्छिणारा, मणिपूरमध्ये शांतता प्रस्थापित करण्यासाठी तुमच्यासोबत काम करू इच्छिणारा व्यक्ती म्हणून मी येथे आलो आहे.” (एक्स्प्रेस फोटो)
-
आसामच्या कछार जिल्ह्यातील फुलरताल येथे सकाळी पूरग्रस्तांसाठी राबवण्यात आलेल्या मदत शिबिराला भेट दिल्यानंतर राहुल गांधी म्हणाले, “मी आसामच्या लोकांच्या पाठीशी उभा आहे, मी संसदेत तुमच्यासाठी लढणार आहे. तसेच मी केंद्र सरकारला आसाम राज्याला त्वरीत सर्वतोपरी मदत करण्याचे आवाहन करतो. (एक्सप्रेस फोटो)
-
माध्यमांशी बोलताना त्यांनी पंतप्रधान नरेंद्र मोदी यांना एक आवाहन केले ते म्हणाले, “पंतप्रधान मोदी यांनी मणिपूरच्या लोकांचं म्हणणं ऐकण्यासाठी या ठिकाणी आलं पाहिजे. मणिपूरमध्ये काय चाललं आहे? हे पंतप्रधान मोदी यांनी समजून घेण्याचा प्रयत्न केला पाहिजे. मणिपूर हे भारतातील एक महत्वाचे राज्य आहे. पंतप्रधान मोदी हे जर येथे आले तर राज्यातील जनतेला दिलासा मिळेल”, असं राहुल गांधी यांनी म्हटलं आहे. (एक्स्प्रेस फोटो)
-
२०२३ च्या मे महिन्यात मणिपूर राज्यात हिंसाचाराचा उद्रेक झाला होता. तेव्हापासूनची गांधींची ही मणिपूरची तिसरी एक दिवसीय भेट होती. त्यांनी जून २०२३ मध्ये प्रथम भेट दिली होती आणि त्यानंतर या वर्षी जानेवारीमध्ये राज्यातून त्यांची भारत जोडो न्याय यात्रा सुरू केली होती. (एक्स्प्रेस फोटो)
-
आसाम प्रदेश काँग्रेस कमिटी (APCC) च्या एका टीमने अध्यक्ष भूपेन बोराह यांच्या नेतृत्वाखालील लोकप्रतिनिधी राहुल गांधी यांना एक निवेदन सादर केले आणि त्यांना संसदेत आसाममधील बारमाही पुराचा मुद्दा उपस्थित करण्याचे आवाहन केले. (एक्स्प्रेस फोटो)
-
आसाममध्ये पूरस्थिती गंभीर आहे, जवळपास २४ लाख लोक प्रभावित झाले आहेत, अनेक नद्या धोक्याच्या पातळी ओलांडून वाहत आहेत. ३,५५३ गावांमधील अंदाजे २४ लाख लोक प्रभावित झाले आहेत, ५०,००० हून अधिक लोक राज्यभर आश्रयस्थानांमध्ये आश्रय घेत आहेत. (एक्स्प्रेस फोटो)
-
धुबरी हा सर्वात जास्त बाधित जिल्हा आहे, जेथे ७.९५ लाखांहून अधिक लोक पुरामुळे बाधित आहेत, त्यानंतर कचर आणि दरांग यांचा क्रमांक लागतो, येथे प्रत्येकी १.५० लाखांहून अधिक लोक प्रभावित झाले आहेत. (एक्स्प्रेस फोटो)
-
रविवारपर्यंत (७ जुलै) आसाम राज्य आपत्ती व्यवस्थापन प्राधिकरणाने (एएसडीएमए) मृतांचा आकडा ६४ वर पोहोचल्याची नोंद केली आहे. १० जूनपासून आसाममध्ये ही पुराची दुसरी घटना आहे. (एक्सप्रेस फोटो)
छत्रपती शिवाजी महाराजांचा गनिमीकावा अन् मराठा लष्करी इतिहास, JNU मध्ये आता विशेष केंद्र; कधी सुरू होणार अभ्यासक्रम
