-
आज सकाळपासूनच पुणे शहर आणि जिल्ह्याच्या परिसरात पावसाचा जोर वाढला आहे.
-
उर्वरित महाराष्ट्रातही पावसाने कहर केला आहे.
-
हवामान विभागाने येत्या काही तासात पुणे शहर, भोर, वेल्हा, मावळ, मुळशी, हवेली तालुक्यातील खडकवासला परिसरात अतिमुसळधार पावसाचा इशारा दिला आहे.
-
शहरासह जिल्ह्यात मुसळधार पाऊस पडत असून धरणांमधून नदीमध्ये पाण्याचा विसर्ग करण्यात येत आहे. अनेक पूल, साकव वाहतुकीसाठी बंद करण्यात आले आहेत. तसेच मुसळधार पावसामुळे दरडी कोसळण्याच्या घटना समोर येत आहेत. या पार्श्वभूमीवर जिल्ह्यातील पर्यटन स्थळे, धोकायदायक ठिकाणे पुढील आदेशापर्यंत बंद करण्याचे आदेश जिल्हाधिकारी डॉ. सुहास दिवसे यांनी दिले आहेत.
-
दरम्यान पुणे शहर, भोर, वेल्हा, मावळ, मुळशी, हवेली तालुक्यातील खडकवासला परिसरात अतिमुसळधार पावसाचा इशारा दिला असून नागरिकांना सुरक्षित स्थळी जाण्याचे आवाहन करण्यात आले.
-
मुठा नदी दुथडी भरून वाहत असल्याने नजीकच्या परिसरातील रहिवाशांना धोका निर्माण झाला असून त्यांच्या निवासस्थानी पाणी शिरले आहे.
-
त्यामुळे पुणे महानगरपालिकेचे अग्निशमन दल शहराच्या विविध भागात अडकलेल्या पुणेकरांना सुरक्षित स्थळी पोहोचवण्याचे काम करत आहेत.
-
दरम्यान, तपोधाम वारजे येथे काही नागरिक अडकून पडल्याची माहिती मिळताच बचाव पथकाने तिथे धाव घेत मदत कार्य राबवविले.
-
पुराच्या वेढ्यात सकाळपासून अडकून पडलेल्या जवळपास ६० लोकांना तिथून सुरक्षितरीत्या बाहेर काढण्यात आले आहे.
-
तपोधाम वारजे येथील एका शाळेत या ६० लोकांचे सुरक्षित स्थलांतर केल्यानंतर त्यांच्या जेवणाची व्यवस्था प्रशासकीय कार्यालयामार्फत करण्यात आली आहे. हेही वाचा- पुण्यात पावसाचा कहर, मुठा नदी पात्र तुडुंब भरल्याने सोसायट्यांमध्ये शिरले पाणी, सिंहगड रस्त्यावर बचावकार्य सुरू, पाहा फोटो!
![Sarvajanik Ganesh Mandal Banner Goes Viral on Mahaprasad Will Be Given Only To Members netizens reacts](https://www.loksatta.com/wp-content/uploads/2024/09/New-Project-30-2.jpg?w=300&h=200&crop=1)
“एवढा माज बरा नाही” सार्वजनिक गणेश मंडळाचा बॅनर पाहून लोक भडकले; PHOTO पाहून सांगा अशा मंडळांचं काय करायचं?