-
कारगिल युद्ध अधिकृतपणे २५ वर्षांपूर्वी, २६ जुलै १९९९ रोजी संपले. त्या दिवसापासून दरवर्षी हा दिवस भारताच्या पाकिस्तानविरुद्धच्या विजयाचे स्मरण म्हणून कारगिल विजय दिवस साजरा केला जातो. (पीटीआय फोटो)
-
विजय दिवसाच्या २५ व्या वर्धापन दिनानिमित्त पंतप्रधान नरेंद्र मोदी यांनी द्रास येथील कारगिल युद्ध स्मारकाला भेट दिली आणि १९९९ च्या युद्धात शहीद झालेल्या देशाच्या वीर जवानांना श्रद्धांजली वाहिली. (पीटीआय फोटो)
-
दरम्यान, या दौऱ्यामध्ये पंतप्रधान मोदी ‘शिंकुन ला टनेल’ या प्रकल्पाचे ऑनलाईन उद्घाटन करणार आहेत. ‘शिंकुन ला टनेल’ प्रकल्पामध्ये ४.१ किमी लांब असलेल्या ट्विन-ट्यूब टनेलचा समावेश आहे जो लेहला सर्व-हवामान कनेक्टिव्हिटी (all-weather connectivity) प्रदान करण्यासाठी निमू-पदुम-दारचा या रस्त्यावर सुमारे १५,८०० फूट उंचीवर बांधला जाईल. याचे कामकाज पूर्ण झाल्यावर हा जगातील सर्वात उंच टनेल असेल. (पीटीआय फोटो)
-
‘कारगिल विजय दिवस’च्या २५ व्या वर्धापन दिनानिमित्त राष्ट्रीय युद्ध स्मारक ( National War Memorial) येथे केंद्रीय संरक्षण मंत्री राजनाथ सिंह आणि सहकारी. (पीटीआय फोटो)
-
चीफ ऑफ डिफेन्स स्टाफ जनरल अनिल चौहान यांनी कारगिल सेक्टरच्या भेटीदरम्यान सैनिकांशी संवाद साधला. (पीटीआय फोटो)
-
कारगिल युद्ध हे भारत व पाकिस्तान यांच्या दरम्यान सन १९९९च्या उन्हाळ्यात लढले गेलेले मर्यादित युद्ध होते. या युद्धाची व्याप्ती भारताच्या कारगिल व आजूबाजूच्या परिसरापुरतीच मर्यादित राहिली, त्यामुळे याला मर्यादित युद्ध म्हणतात. तसेच या पूर्वीच्या भारत-पाक युद्धांप्रमाणेच याही युद्धात, युद्ध सुरू झाल्याची व संपल्याची कोणतीही घोषणा करण्यात आलेली नव्हती. उलट पाकिस्तानतर्फे युद्धादरम्यान त्यांचा देश अलिप्त आहे असा कांगावा करण्यात आला होता. पुढे अनेक वर्षांनंतर हळूहळू पाकिस्तान सरकारने व अनेक लष्करी अधिकाऱ्यांनी हे युद्धच होते असे जाहीर केले. (पीटीआय फोटो)
-
सन १९९९च्या उन्हाळ्यात, पाकिस्तानी घुसखोरांनी भारतीय सीमा ओलांडून भारताच्या हद्दीतील अनेक ठाणी कब्जा केल्याचे भारताच्या लक्षात आले व या घुसखोरांना हुसकावण्यासाठी कारगिलचे युद्ध सुरू झाले. ही ठाणी कारगिल व द्रास परिसरातील अतिउंच दुर्गम जागी होती. अनेक महिन्यांच्या प्रयत्‍नांनंतर भारताला ही ठाणी परत मिळवण्यात यश मिळाले. (पीटीआय फोटो)
-
त्यानंतर, शांतता आणि स्थिरता राखण्यासाठी आणि तणावाचे निराकरण करण्यासाठी, फेब्रुवारी १९९९ मध्ये लाहोर जाहीरनाम्यावर स्वाक्षरी करून काश्मीर समस्येवर द्विपक्षीय शांततापूर्ण तोडगा काढण्याचे आवाहन केले. (पीटीआय फोटो)
-
२६ जुलै १९९९ रोजी तीन महिन्यांच्या संघर्षानंतर भारतीय सैनिकांनी हा विजय मिळवला. तथापि, युद्धात दोन्ही बाजूंना जीवितहानी झाली, भारतीय सैन्याने सुमारे 490 अधिकारी, सैनिक आणि जवान गमावले. (पीटीआय फोटो)
-
युद्धातील भारताच्या कामगिरीच्या स्मरणार्थ, भारतीय सैनिकांच्या शौर्य आणि बलिदानाचा सन्मान करण्यासाठी दरवर्षी २६ जुलै रोजी कारगिल विजय दिवस साजरा केला जातो. (पीटीआय फोटो)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
